ഒറ്റപ്പാലം: വാണിയംകുളം പഞ്ചായത്തിലെ ചോറോട്ടൂരിൽ വീണ്ടും ക്വാറി തുടങ്ങാൻ നീക്കം. നിലവിൽ രണ്ടു ക്വാറികൾ മൂലം ദുരിതമനുഭവിക്കുന്ന നാട്ടുകാർ പുതിയതായി തുടങ്ങാനിരിക്കുന്ന ക്വാറിക്കെതിരെ പ്രതിഷേധവുമായി രംഗത്തെത്തി. വീടുകളുടെ ചുമരുകൾ വിണ്ടുകീറിയും അനാരോഗ്യപ്രശ്നങ്ങൾ മൂലവും കഷ്ടത അനുഭവിക്കുന്നത് തുടർക്കഥയായ സാഹചര്യത്തിലാണ് സ്വകാര്യ വ്യകതി വീണ്ടും ക്വാറി തുടങ്ങാനിരിക്കുന്നതെന്ന് നാട്ടുകാർ പറഞ്ഞു. വാണിയംകുളം ഗ്രാമപഞ്ചായത്ത് വിളിച്ചുചേർത്ത ഗ്രാമസഭയിലും വിഷയം ചർച്ചയായി. ക്വാറിക്കെതിരെ ശക്തമായ നടപടിയെടുക്കാൻ ഗ്രാമസഭായോഗം തീരുമാനിച്ചു. ഇതിെൻറ മുന്നോടിയായി യോഗത്തിൽ ആക്ഷൻ കൗൺസിൽ രൂപവത്കരിച്ചു. ജനങ്ങളുടെ ജീവനും സ്വത്തിനും ഭീഷണിയാകുന്ന ഒന്നിനും പഞ്ചായത്ത് അനുവദിക്കില്ലെന്ന് പഞ്ചായത്ത് പ്രസിഡൻറ് എം. പ്രിയ ഉറപ്പുനൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.