തേഞ്ഞിപ്പലം: പള്ളിക്കൽ ഗ്രാമപഞ്ചായത്തിൽ പ്ലാസ്റ്റിക് മാലിന്യ സംസ്കരണ പദ്ധതിക്ക് തുടക്കമായി. പ്രാഥമികാരോഗ്യ കേന്ദ്രവും ഗ്രാമപഞ്ചായത്തും ശുചിത്വമിഷെൻറ സഹായത്തോടെയാണ് പദ്ധതി നടപ്പാക്കുന്നത്. മൂന്ന് മാസത്തിലൊരിക്കൽ അയൽസഭകളിലെത്തി ശുചിത്വ വണ്ടിയിൽ പ്ലാസ്റ്റിക് സഞ്ചികളും ബോട്ടിലുകളും ശേഖരിച്ച് കരിപ്പൂർ കുമ്മിണി പറമ്പിലെ പ്ലാസ്റ്റിക് റീസൈക്ലിങ് യൂനിറ്റിൽ എത്തിക്കാനാണ് പദ്ധതി. ശുചിത്വ വണ്ടിയുടെ ചെലവ് യൂനിറ്റുകാർ നൽകും. കഴിഞ്ഞ ജൂണിൽ പദ്ധതി പരീക്ഷണാടിസ്ഥാനത്തിൽ നടപ്പാക്കിയിരുന്നു. പ്ലാസ്റ്റിക് ഉപഭോഗം ഗണ്യമായി കുറഞ്ഞ സാഹചര്യത്തിലാണ് മൂന്ന് മാസത്തിലൊരിക്കൽ മാലിന്യശേഖരണത്തിന് തീരുമാനിച്ചത്. ഒന്നു മുതൽ എട്ട് വരെ വാർഡുകളിൽ ഞായറാഴ്ച ശുചിത്വ വണ്ടി എത്തി. തിങ്കളാഴ്ച ഒമ്പതു മുതൽ 15 വരെ വാർഡുകളിലെ മാലിന്യം ശേഖരിക്കും. ചൊവ്വാഴ്ച മറ്റ് വാർഡുകളിലെ പ്ലാസ്റ്റിക് ശേഖരിച്ച് റീ-സൈക്ലിങ് യൂനിറ്റിൽ എത്തിക്കും. ഒന്നാം വാർഡിലെ ആൽപറമ്പിൽ ഗ്രാമപഞ്ചായത്ത് പ്രസിഡൻറ് പി. മിഥുന പദ്ധതി ഉദ്ഘാടനം ചെയ്തു. സ്ഥിരംസമിതി അധ്യക്ഷൻ പേങ്ങാട്ട് അബ്ദു, ഗ്രാമപഞ്ചായത്ത് അംഗങ്ങളായ എം. ഖാലിദ്, പി. ഷാജു, ഡോ. സുറയ്യ, ഹെൽത്ത് ഇൻസ്പെക്ടർമാരായ വി.പി. ദിനേഷ്, യു. മുഹമ്മദ് റഉഫ്, കെ.കെ. അബ്ദുറഹ്മാൻ, കെ. ഷൈലജ എന്നിവർ നേതൃത്വം നൽകി. ഫോട്ടോ: പള്ളിക്കൽ ഗ്രാമപഞ്ചായത്തിലെ മാലിന്യ സംസ്കരണ പദ്ധതി പ്രസിഡൻറ് പി. മിഥുന ഉദ്ഘാടനം ചെയ്യുന്നു --
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.