റിമാൻഡിലുള്ളവരുടെ ജാമ്യാപേക്ഷ നീട്ടി പെരിന്തല്മണ്ണ: അങ്ങാടിപ്പുറം ഗവ. പോളിടെക്നിക്കിലും തുടര്ന്ന് പെരിന്തല്മണ്ണയിലുമുണ്ടായ അക്രമസംഭവങ്ങളില് രണ്ടുപേരെകൂടി അറസ്റ്റ് ചെയ്തു. പോളിടെക്നിക് ആക്രമണക്കേസില് വലമ്പൂര് മാളിയേക്കല് മുഹമ്മദ് ആഷിഖ് (23), പെരിന്തല്മണ്ണ നഗരസഭ കാര്യാലയത്തിന് നേരെ നടന്ന ആക്രമണക്കേസില് പെരിന്തൽമണ്ണ ജൂബിലി റോഡ് ഹാലിഖ് (24) എന്നിവരെയാണ് അറസ്റ്റ് ചെയ്തത്. അതേസമയം, പെരിന്തല്മണ്ണ ടൗണിലും പൊലീസിന് നേരെയും നഗരസഭ കാര്യാലയത്തിന് നേരെയും അക്രമം നടത്തിയ കേസില് റിമാന്ഡില് കഴിയുന്ന 20 പേരുടെ ജാമ്യാപേക്ഷ പരിഗണിക്കുന്നത് മഞ്ചേരി സെഷന്സ് കോടതി നീട്ടി. നഗരസഭ അക്രമക്കേസിലെ പ്രതികള്ക്ക് ജാമ്യം അനുവദിച്ചെങ്കിലും പൊലീസിനെ ആക്രമിച്ച് പരിക്കേല്പ്പിച്ച കേസുകളില്കൂടി പ്രതിചേർക്കപ്പെട്ടതിനാല് ജാമ്യാപേക്ഷ തള്ളി മറ്റൊരു ദിവസത്തേക്ക് മാറ്റുകയായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.