ഒറ്റപ്പാലം: സംസ്ഥാന ലൈബ്രറി കൗൺസിൽ ഒരുക്കുന്ന ത്രിദിന മധ്യമേഖല സാംസ്കാരികോത്സവത്തിന് വെള്ളിയാഴ്ച ഒറ്റപ്പാലം സി.എസ്.എൻ ഓഡിറ്റോറിയത്തിൽ തുടക്കം കുറിക്കും. വെള്ളിയാഴ്ച രാവിലെ 10ന് സ്പീക്കർ പി. ശ്രീരാമകൃഷ്ണൻ ഉദ്ഘാടനം ചെയ്യും. സി. രാധാകൃഷ്ണൻ മുഖ്യപ്രഭാഷണം നടത്തും. 'കഥയും കാലവും' സെമിനാറിൽ മുണ്ടൂർ സേതുമാധവൻ, വൈശാഖൻ, ടി.ഡി. രാമകൃഷ്ണൻ, അശോകൻ ചെരുവിൽ തുടങ്ങിയവർ സംസാരിക്കും. ഉച്ചക്ക് രണ്ടിന് 'കവിതയുടെ വർത്തമാനം' വിഷയത്തിൽ നടക്കുന്ന സെമിനാറിൽ എസ്. രമേശൻ, വി. മധുസൂദനൻ നായർ, കുരീപ്പുഴ ശ്രീകുമാർ, വീരാൻകുട്ടി, പി. രാമൻ എന്നിവർ സംസാരിക്കും. വൈകീട്ട് നാലിന് സാംസ്കാരിക ഘോഷയാത്രയും 5.30ന് സാംസ്കാരിക സദസ്സും നടക്കും. മന്ത്രി പ്രഫ. സി. രവീന്ദ്രനാഥ് ഉദ്ഘാടനം ചെയ്യും. വി.കെ. ശ്രീരാമൻ മുഖ്യപ്രഭാഷണം നടത്തും. വൈകുന്നേരം മോഹിനിയാട്ടം, തുള്ളൽ, ഒഡീസ്സി നൃത്തം എന്നിവ അരങ്ങിലെത്തും. ശനി, ഞായർ ദിവസങ്ങളിൽ നടക്കുന്ന വിവിധ സെമിനാറുകളിൽ പ്രമുഖർ പങ്കെടുക്കും. വിവിധ കലാപരിപാടികളും അരങ്ങേറും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.