ചെർപ്പുളശ്ശേരി: സമസ്ത മുശാവറ അംഗം നെല്ലായ എം.പി. കുഞ്ഞിമുഹമ്മദ് മുസ്ലിയാരുടെ ദർസിെൻറ 57ാം വാർഷികം 10ന് നടക്കുമെന്ന് ഭാരവാഹികൾ വാർത്തസമ്മേളനത്തിൽ അറിയിച്ചു. രാവിലെ ഒമ്പതിന് നെല്ലായ ശംസുൽ ഉലമ നഗറിൽ എം.പി. കുഞ്ഞിമുഹമ്മദ് മുസ്ലിയാർ പതാക ഉയർത്തുന്നതോടെ പരിപാടികൾക്ക് തുടക്കമാകും. തുടർന്ന് 9.30ന് നടക്കുന്ന പരിപാടി കെ.ടി. മുഹമ്മദ് കുട്ടി ഹസ്രത്ത് ആറ്റാശ്ശേരി ഉദ്ഘാടനം ചെയ്യും. അത്തിപ്പറ്റ മുഹ്യുദ്ദീൻ കുട്ടി മുസ്ലിയാർ ഉദ്ബോധനം നടത്തും. ഫിഖ്ഹ് സെമിനാർ, പൂർവ വിദ്യാർഥി എന്നിവക്ക് ശേഷം വൈകീട്ട് ഏഴിന് സമാപന സമ്മേളനം ഹൈദരലി ശിഹാബ് തങ്ങൾ ഉദ്ഘാടനം ചെയ്യും. സമസ്ത പ്രസിഡൻറ് മുഹമ്മദ് ജിഫ്രി തങ്ങൾ അധ്യക്ഷത വഹിക്കും. തുടർന്ന് സിംസാറുൽ ഹഖ് ഹുദവിയുടെ മതപ്രഭാഷണം ഉണ്ടായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.