വള്ളിക്കുന്ന്: അശരണരുടെ കണ്ണീരൊപ്പാൻ കുട്ടിച്ചന്ത നടത്തി കിട്ടിയ ലാഭം ദുരിതാശ്വാസ ഫണ്ടിലേക്ക് നൽകി വിദ്യാർഥികൾ മാതൃകയായി. വള്ളിക്കുന്ന് കൊടക്കാട് എ.യു.പി സ്കൂളിലെ വിദ്യാർഥികളും അധ്യാപകരുമാണ് കുട്ടിച്ചന്ത നടത്തിയത്. വിവിധ സ്റ്റാളുകളിലായി കുട്ടികൾ നിർമിച്ച എണ്ണപലഹാരങ്ങൾ, അച്ചാറുകൾ, ഉപ്പിലിട്ട ഉത്പന്നങ്ങൾ എന്നിവകൊണ്ട് നിറഞ്ഞു. ഇതിനു പുറമെ വിവിധതരം പായസം, കപ്പ, കോഴിക്കറി എന്നിവയും ഉണ്ടായിരുന്നു. ഭക്ഷണ സ്റ്റാളുകൾക്ക് പുറമെ സയൻസ് സ്റ്റാൾ, പുസ്തക സ്റ്റാൾ, ത്രീഡി ഷോ എന്നിവയും ഒരുക്കി. ഗ്രാമപഞ്ചായത്ത് അംഗം വിശ്വനാഥൻ ഉദ്ഘാടനം ചെയ്തു. അനിൽ കുമാർ, മുഹമ്മദ് അശ്റഫ്, സി.കെ. സിനില, വിജയം, പി.എം. സുധീർ എന്നിവർ സംസാരിച്ചു. ചടങ്ങിൽ തോട്ടുമുക്കത്ത് നസീറുദ്ദീെൻറ മകൻ അൻഫലിന് ചികിത്സസഹായമായി കാൽ ലക്ഷം രൂപയുടെ ചെക്ക് സ്കൂൾ ലീഡർ തേജശ്രീ, ചികിത്സാസഹായ കമ്മിറ്റി ചെയർമാൻ കുഞ്ഞാലൻ കുട്ടിക്ക് കൈമാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.