അഗളി: അനധികൃതമായി കൈവശം വെച്ചിരുന്ന നാടൻ തോക്കുമായി ഒരാൾ അറസ്റ്റിൽ. പാക്കുളം കൊല്ലങ്കടവ് സ്വദേശി കാളിയെയാണ് (55) തോക്ക് വീട്ടിൽ സൂക്ഷിച്ചതിെൻറ പേരിൽ വനംവകുപ്പ് അറസ്റ്റ് ചെയ്തത്. റേഞ്ച് ഓഫിസറുടെ നിർദേശപ്രകാരം ഒമ്മല ഡെപ്യൂട്ടി റേഞ്ചറും സംഘവുമാണ് തോക്ക് കണ്ടെത്തിയത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു. പ്രതിഷേധ മാർച്ച് നടത്തി പാലക്കാട്: ദേശീയ പൗരത്വ രജിസ്റ്ററിെൻറ അന്തിമ കരട് പട്ടികയിൽ 40 ലക്ഷത്തിൽ പരം ഇന്ത്യൻ പൗരന്മാരെ പുറന്തള്ളിയ ഫാഷിസ്റ്റ് നടപടിയിൽ പ്രതിഷേധിച്ച് എസ്.യു.സി.ഐ കമ്യൂണിസ്റ്റ് ജില്ല കമ്മിറ്റിയുടെ നേതൃത്വത്തിൽ നഗരത്തിൽ പ്രതിഷേധ മാർച്ച് നടത്തി. തുടർന്ന് നടന്ന വിശദീകരണ യോഗം ജില്ല സെക്രട്ടറി കെ. അബ്ദുൽ അസീസ് ഉദ്ഘാടനം ചെയ്തു. കെ.എം. ബീവി അധ്യക്ഷത വഹിച്ചു. കെ. പ്രദീപ്, കെ. രാമനാഥൻ, സി. രാജൻ, കെ. പ്രസാദ്, എൻ. സുഗന്ധി, ആർ. ഉണ്ണികൃഷ്ണൻ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.