മലപ്പുറം: കോട്ടപ്പടി താലൂക്ക് ആശുപത്രിയിലെ പുതിയ കൃത്രിമ ദന്ത നിർമാണ വിഭാഗം പി. ഉബൈദുല്ല എം.എൽ.എയും നവീകരിച്ച ദന്ത ചികിത്സ യൂനിറ്റ് നഗരസഭ അധ്യക്ഷ സി.എച്ച്. ജമീലയും ഉദ്ഘാടനം ചെയ്തു. നഗരസഭ വൈസ് ചെയർമാൻ പെരുമ്പള്ളി സെയ്ത് അധ്യക്ഷത വഹിച്ചു. താലൂക്ക് ആശുപത്രി ഡോ. രാജഗോപാൽ സ്വാഗതവും സ്റ്റാഫ് സെക്രട്ടറി ഗദ്ദാഫി നന്ദിയും പറഞ്ഞു. ആർദ്രം പദ്ധതിയുടെ ഭാഗമായാണ് ദന്ത വിഭാഗം വിപുലീകരിച്ചത്്. താലൂക്ക് ആശുപത്രിയിൽ പുതുതായി ഡെൻറൽ ടെക്നീഷ്യൻ തസ്തിക സൃഷ്ടിച്ചിട്ടുണ്ട്. രണ്ട് സ്ഥിരം ഡോക്ടർമാരും ആഴ്ചയിൽ മൂന്ന് ദിവസം േജാലി ചെയ്യുന്ന ഒരു ഡോക്ടറുമുണ്ട്. സ്വകാര്യ ക്ലിനിക്കുകളിൽ 10,000ന് മുകളിൽ ചെലവ് വരുന്ന വെപ്പ്പല്ലുകൾ 1000 രൂപക്ക് ഇവിടെ നിന്ന് വെക്കാം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.