തിരൂരങ്ങാടി: നിയോജക മണ്ഡലത്തിലെ റോഡുകളുടെ നവീകരണത്തിന് ഒരുകോടി രൂപയുടെ ഭരണാനുമതി ലഭിച്ചതായി പി.കെ. അബ്ദുറബ്ബ് എം.എല്.എ അറിയിച്ചു. തീരദേശ മേഖലയിലെ റോഡുകളുടെ നവീകരണത്തിനാണ് തുക അനുവദിച്ചത്. പരപ്പനങ്ങാടി നഗരസഭയിലെ തുടിശ്ശേരി റോഡിന് 21 ലക്ഷം, ഹിദായ നഗര് പാലം റോഡിന് 13 ലക്ഷം, വി.പി. അച്യുതല് റോഡ്-നമ്പുളം സൗത്ത് ലിങ്ക് റോഡിന് 34.5 ലക്ഷം, കുറ്റിക്കാടന് റോഡിന് 36.5 ലക്ഷം രൂപ എന്നിങ്ങനെയാണ് അനുവദിച്ചത്. തീരദേശ റോഡുകളുടെ ഗുണനിലവാരം ഉയര്ത്താൻ വേണ്ടി തയാറാക്കിയ എസ്റ്റിമേറ്റ് ഹാര്ബര് എൻജിനീയറിങ് വിഭാഗത്തിന് സമര്പ്പിച്ചാണ് ഭരണാനുമതി നേടിയെടുത്തതെന്നും പ്രവൃത്തി വേഗത്തില് ആരംഭിക്കാൻ നടപടികള് സ്വീകരിക്കാന് ബന്ധപ്പെട്ടവര്ക്ക് നിർദേശം നല്കിയിട്ടുണ്ടെന്നും എം.എൽ.എ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.