കരുവാരകുണ്ട്: കേന്ദ്ര-സംസ്ഥാന സർക്കാറുകൾക്കെതിരെ പ്രതിപക്ഷം നടത്തിയ ഹർത്താൽ കരുവാരകുണ്ടിൽ കോൺഗ്രസിേൻറത് മാത്രമായി. കിഴക്കെത്തലയിൽ രാവിലെ ഹർത്താൽ വിജയിപ്പിക്കാൻ കോൺഗ്രസ് പ്രവർത്തകർ മാത്രമാണിറങ്ങിയത്. ടൗൺ ജങ്ഷനിൽ പ്രവർത്തകർ റോഡിൽ കുത്തിയിരുന്ന് വാഹനങ്ങൾ തടഞ്ഞതിനെ തുടർന്ന് പൊലീസെത്തി പിരിച്ചുവിട്ടു. ലീഗ് പ്രവർത്തകർ ആരും നിരത്തിലിറങ്ങുകയോ പ്രകടനം നടത്തുകയോ ചെയ്തില്ല. കിഴക്കെത്തല ഉൾപ്പെടെയുള്ള ടൗണുകളിൽ കടകളെല്ലാം അടഞ്ഞു കിടന്നു. ബസുകളൊഴികെയുള്ള വാഹനങ്ങൾ ഓടി. ചില സ്ഥാപനങ്ങൾ അടപ്പിച്ചു. കോൺഗ്രസ് മണ്ഡലം പ്രസിഡൻറ് കെ.പി. അലക്സാണ്ടർ, യൂത്ത് കോൺഗ്രസ് പ്രസിഡൻറ് വി. ശബീറലി, കെ. ഗോപാലകൃഷ്ണൻ, കെ. കുര്യച്ചൻ, കെ.കെ. ആസിഫ്, കെ. ഹുസൈൻ, എ.കെ. വേലായുധൻ, പി.ആർ. രാജീവ് എന്നിവർ നേതൃത്വം നൽകി. Photo..... കോൺഗ്രസ് പ്രവർത്തകർ കിഴക്കെത്തലയിൽ വാഹനങ്ങൾ തടയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.