വേങ്ങര: ജനകീയമുന്നണി ഭരണം പിടിച്ചെടുത്ത പറപ്പൂർ ഗ്രാമപഞ്ചായത്തിൽ പ്രസിഡൻറ് സ്ഥാനത്തുനിന്ന് കോൺഗ്രസ് പ്രതിനിധി പറങ്ങോടത്ത് മുഹമ്മദ് കുട്ടി രാജിവെച്ചു. മുൻധാരണപ്രകാരം കോൺഗ്രസ് പ്രതിനിധി രാജിവെച്ചതോടെ സി.പി.എമ്മിനാകും അടുത്ത ഊഴം. കഴിഞ്ഞ തദ്ദേശതെരഞ്ഞെടുപ്പിൽ മുസ്ലിംലീഗും കോൺഗ്രസിലെ ഒരു വിഭാഗവും ഒരു പക്ഷത്തും ഇടതുകക്ഷികളും കോൺഗ്രസിലെ പ്രബല വിഭാഗവും മറ്റ് ചെറുകക്ഷികളും ചേർന്ന് രൂപപ്പെടുത്തിയ ജനകീയ മുന്നണി മറുപക്ഷത്തുമായി മത്സരിക്കുകയായിരുന്നു. ഇടതുകക്ഷികളും, കോൺഗ്രസും, വെൽഫെയർ പാർട്ടി, പി.ഡി.പി, എസ്.ഡി.പി.ഐ കക്ഷികളും ചേർന്ന മുന്നണിക്ക് 12 വാർഡുകളിൽ വിജയിക്കാനായി. ഇതോടെ അധികാരമേറിയ ജനകീയ മുന്നണി പ്രസിഡൻറ് സ്ഥാനം ഉൾപ്പെടെയുള്ളവ ഭാഗിച്ചെടുക്കുകയും ധാരണപ്രകാരം ഭരണം പങ്കിടുകയുമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.