കഞ്ഞിപ്പുര-മൂടാല് ബൈപാസ് ഉടന് യാഥാര്ഥ്യമാക്കും -മന്ത്രി കഞ്ഞിപ്പുര-മൂടാല് ബൈപാസ് ഉടന് യാഥാര്ഥ്യമാക്കും -മന്ത്രി യു.ഡി.എഫ് സമരം കാപട്യമെന്ന് മലപ്പുറം: കഞ്ഞിപ്പുര---മൂടാല് ബൈപാസ് ഉടന് യാഥാര്ഥ്യമാക്കുമെന്ന് പൊതുമരാമത്ത് മന്ത്രി ജി. സുധാകരന് തിരുവനന്തപുരത്ത് വാർത്തകുറിപ്പിൽ അറിയിച്ചു. ദേശീയപാത 66-െൻറ ബദല് റോഡായ ഇതിെൻറ വീതികൂട്ടല് പ്രവൃത്തി കഴിഞ്ഞ യു.ഡി.എഫ് സര്ക്കാർ മാനദണ്ഡങ്ങളെല്ലാം കാറ്റില് പറത്തി ഏറ്റെടുക്കുകയായിരുന്നു. പി.ഡബ്ല്യു.ഡി മാന്വല് അനുസരിച്ച് ഭൂമി ലഭ്യമായശേഷം മാത്രമേ പ്രവൃത്തി ടെന്ഡര് ചെയ്ത് കരാര് വെക്കാന് പാടുള്ളൂ. എന്നാല്, ഈ റോഡിെൻറ കാര്യത്തില് ഇതൊന്നും പാലിക്കാതെ കഴിഞ്ഞ സര്ക്കാറിെൻറ അവസാന കാലത്ത് ധൃതിപിടിച്ച് ഏറ്റെടുത്തു. ഭൂമി ഏറ്റെടുക്കാനുള്ള 10 കോടി ഉള്പ്പെടെ 25 കോടിയായിരുന്നു ഭരണാനുമതി. എന്നാല്, ഇപ്പോള് ഭൂമിക്ക് മാത്രമായി 40 കോടിയിലധികം രൂപ ആവശ്യമുള്ളതായി ജില്ല കലക്ടര് അറിയിച്ചു. എൽ.ഡി.എഫ് അധികാരത്തില് വന്ന ശേഷം 10 കോടി കൂടി ഭൂമിക്കുവേണ്ടി അധികത്തുക നല്കി. 23 കോടി കൂടി ആവശ്യമാണെന്നതിനാല് ആ തുകയും നൽകാൻ നടപടി പുരോഗമിക്കുകയാണ്. ഈ ഘട്ടത്തില് മാനദണ്ഡങ്ങള് മറികടന്ന് പ്രവൃത്തി ഏറ്റെടുത്ത യു.ഡി.എഫുതന്നെ പ്രതിഷേധ സമരങ്ങൾക്ക് മുതിരുന്നത് കാപട്യമാണെന്നും മന്ത്രി കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.