കൊണ്ടോട്ടി: ശമ്പള, പെന്‍ഷന്‍ വിതരണത്തിനായി കൊണ്ടോട്ടി ട്രഷറിയില്‍നിന്ന് ആവശ്യപ്പെട്ട മുഴുവന്‍ തുകയും ലഭിച്ചില്ല. പണം ലഭിക്കാത്തതിനാല്‍ ട്രഷറിയില്‍ എത്തിയ മുഴുവന്‍ പേര്‍ക്കും ചൊവാഴ്ച ശമ്പളവും പെന്‍ഷനും നല്‍കാനായില്ല. ഒരുകോടി രൂപയാണ് കൊണ്ടോട്ടി ട്രഷറിയിലേക്ക് ആവശ്യപ്പെട്ടത്. ഇതില്‍ 70 ലക്ഷം രൂപയാണ് ലഭിച്ചത്. അനുവദിച്ച തുകയില്‍ 41 ലക്ഷം രൂപ സാമൂഹിക സുരക്ഷ പെന്‍ഷനുകള്‍ക്കായി വിവിധ സഹകരണ ബാങ്കുകള്‍ക്ക് കൈമാറി. ബാക്കി തുക ട്രഷറിയില്‍നിന്ന് വിതരണം ചെയ്തു. 190 പേരാണ് ഈ മാസത്തെ ആദ്യപ്രവൃത്തി ദിനത്തില്‍ ട്രഷറിയിലത്തെിയത്. വന്നവരില്‍ 75 പേര്‍ക്ക് തുക നല്‍കാനായില്ല. ബാക്കിയുള്ളവര്‍ക്കാണ് ഇന്നലെ പണം നല്‍കിയത്. കുറച്ചുപേര്‍ക്ക് 24,000 രൂപ പൂര്‍ണമായും ലഭിച്ചു. പണം ലഭിക്കാത്ത 75 പേര്‍ക്ക് ബുധനാഴ്ച നല്‍കുമെന്ന് അധികൃതര്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.