മഞ്ചേരി: ഗതാഗത ഉപദേശക സമിതിയുടെ തീരുമാന പ്രക്രിയ മഞ്ചേരി ടൗണില്‍ പെരിന്തല്‍മണ്ണ, പരപ്പനങ്ങാടി ബസുകള്‍ പ്രവേശിച്ച് സര്‍വിസ് തുടരും. മഞ്ചേരി വഴി കടന്നുപോകുന്ന ബസുകള്‍ക്കാണ് ഈ ഇളവെന്ന് ബന്ധപ്പെട്ടവര്‍ അറിയിച്ചു. നേരത്തേ മലപ്പുറം, പെരിന്തല്‍മണ്ണ, തിരൂര്‍, കോട്ടക്കല്‍ ബസുകള്‍ കച്ചേരിപ്പടി ഇന്ദിരാഗാന്ധി സ്മാരക ബസ്സ്റ്റാന്‍ഡിലേക്ക് മാറ്റിയിരുന്നു. ഇവ പുറപ്പെടുന്നതും സര്‍വിസ് അവസാനിപ്പിക്കുന്നതും കച്ചേരിപ്പടിയിലാണ്. ഇതില്‍ പെരിന്തല്‍മണ്ണ, പരപ്പനങ്ങാടി ബസുകള്‍ നേരത്തേ കച്ചേരിപ്പടി ബസ്സ്റ്റാന്‍ഡില്‍ വന്ന് തുറക്കല്‍ ബൈപാസ് വഴി തുടര്‍ സര്‍വിസ് നടത്തുകയായിരുന്നു. ഇവ ഇനി തുറക്കല്‍ ബൈപാസ്-നഗരസഭാ ഓഫിസ് വഴി സീതി ഹാജി സ്മാരക സ്റ്റാന്‍ഡില്‍ പ്രവേശിച്ച് അതാത് പ്രദേശങ്ങളിലേക്ക് പോവും. മറ്റ് ബസുകള്‍ക്ക് ഈ ഇളവുണ്ടാകില്ല.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.