മലപ്പുറം: പാമ്പാട് ഫ്ളാറ്റ് സമുച്ചയത്തിലെ കക്കൂസ് മാലിന്യ പ്രശ്നത്തിന് പരിഹാരം കാണണമെന്നാവശ്യപ്പെട്ട് ഫ്ളാറ്റ് നിവാസികള് മലപ്പുറം നഗരസഭാ ഓഫിസ് ഉപരോധിച്ചു. വാര്ഡ് കൗണ്സിലര് സുമയ്യ അന്വറിന്െറ നേതൃത്വത്തില് നടന്ന ഉപരോധം രാവിലെ 10.30മുതല് 12.30വരെ നീണ്ടു. സമരക്കാരെ പൊലീസ് അറസ്റ്റ് ചെയ്തുനീക്കി. തുടര്ന്ന്, നഗരസഭാ ചെയര്പേഴ്സന് സി.എച്ച്. ജമീല ടീച്ചര്, സ്റ്റാന്ഡിങ് കമ്മിറ്റി ചെയര്മാന്മാര്, പ്രതിപക്ഷ നേതാവ്, നഗരസഭാ സെക്രട്ടറി എന്നിവരടങ്ങുന്ന സംഘം സമരക്കാരുടെ പ്രതിനിധികളുമായി ചര്ച്ച നടത്തി. നിലവിലെ മാലിന്യ പ്രശ്നം പരിഹരിക്കാന് പുതിയ രണ്ട് ടാങ്കുകള് ഉടന് നിര്മിക്കാന് തീരുമാനമായി. എന്നാല്, പാമ്പാട് ഫ്ളാറ്റിലെ മാലിന്യ പ്രശ്നം പരിഹരിക്കാന് ബജറ്റില് അഞ്ചുലക്ഷം രൂപ നീക്കിവെച്ചിരുന്നതായും ശാശ്വത പരിഹാരം കാണാന് കഴിഞ്ഞ കൗണ്സില് യോഗത്തില് തീരുമാനമെടുത്തിരുന്നതായും ചെയര്പേഴ്സന് ‘മാധ്യമ’ത്തോട് പറഞ്ഞു. ഇതു കണക്കിലെടുക്കാതെ ഫ്ളാറ്റ് നിവാസികളെ കൂട്ടിയുള്ള സമരം നടത്തുന്നതിന് പിന്നില് രാഷ്ട്രീയ മുതലെടുപ്പാണെന്നും ചെയര്പേഴ്സന് ആരോപിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.