മഞ്ചേരി: അഴുക്കുചാലില് നിറഞ്ഞ മാലിന്യം റോഡില് പരന്നൊഴുകാന് തുടങ്ങിയതോടെ മഞ്ചേരി മലപ്പുറം റോഡില് അഴുക്കുചാല് വൃത്തിയാക്കാന് മഞ്ചേരി നഗരസഭ താല്ക്കാലിക തൊഴിലാളികളെ വെച്ചു. മഴക്കാലത്തിന് മുമ്പ് പൂര്ത്തിയാക്കേണ്ട അഴുക്കുചാല് നവീകരണത്തിന് നഗരസഭ അമാന്തം കാണിച്ചതിനെതിരെ വ്യാപക പരാതികളുയര്ന്നിരുന്നു. കഴിഞ്ഞ ഏതാനും ദിവസങ്ങളായി മഴ പെയ്താല് അഴുക്കുചാലിലെ മാലിന്യം റോഡില് പരന്നൊഴുകുന്ന സ്ഥിതിയായിരുന്നു. നഗരപരിധിയിലെ മുഴുവന് റോഡുകളിലും അഴുക്കുചാലും പൊതുനിരത്തും വൃത്തിയാക്കുകയും മാലിന്യം കുടിവെള്ളത്തില് കലരുന്നത് തടയുകയും വേണമെന്നാണ് തദ്ദേശ വകുപ്പ് നിര്ദേശം നല്കിയിരുന്നത്. രണ്ട് വര്ഷത്തോളമായി മഞ്ചേരി നഗരത്തില്നിന്ന് മാലിന്യം ശേഖരിച്ച് സംസ്കരിക്കുന്ന പ്രവര്ത്തനങ്ങള് മുടങ്ങിക്കിടക്കുകയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.