മലപ്പുറം: ഒപ്പനശീലുകള് പെയ്തിറങ്ങിയ രാവില് തിരൂരങ്ങാടി പി.എസ്.എം.ഒ കോളജ് സി സോണ് കലോത്സവത്തില് കിരീടം ചൂടി. തുടര്ച്ചയായി മൂന്നാമതും ചാമ്പ്യന് പട്ടം സ്വന്തമാക്കാന് പൊരുതിയ മമ്പാട് എം.ഇ.എസ് കോളജിനെയാണ് ഒരു പോയന്റ് വ്യത്യാസത്തില് രണ്ടാം സ്ഥാനത്തേക്ക് പിന്തള്ളിയത്. 132 പോയന്റുമായാണ് പി.എസ്.എം.ഒ കഴിഞ്ഞ രണ്ട് വര്ഷവും നഷ്ടപ്പെട്ട കിരീടം തിരിച്ചുപിടിച്ചത്. 131 പോയന്റാണ് മമ്പാടിന് ലഭിച്ചത്. 87 പോയന്റുമായി മലപ്പുറം ഗവ. കോളജാണ് മൂന്നാം സ്ഥാനത്ത്. തുടര്ച്ചയായി പത്ത് വര്ഷം ചാമ്പ്യന്മാരായിരുന്ന പി.എസ്.എം.ഒയെ പരാജയപ്പെടുത്തിയാണ് കഴിഞ്ഞ രണ്ട് തവണയും മമ്പാട് വിജയകിരീടം സ്വന്തമാക്കിയത്. അവസാന ഇനമായ ഒപ്പന ബുധനാഴ്ച പുലര്ച്ചെ രണ്ടോടെയാണ് അവസാനിച്ചത്. സ്റ്റേജിതര മത്സരങ്ങളുടെ ഫലവും ഇന്നലെയാണ് ലഭിച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.