കോട്ടക്കല്: വിദ്യാര്ഥികളെ ലഹരിയിലാക്കാന് ചോക്ളേറ്റ് സിഗരറ്റുകളും. പൊലീസ് നടത്തിയ പരിശോധനയില് കടയുടമ ഒതുക്കുങ്ങല് മറ്റത്തൂര് പോത്തനൂരാന് ഹംസ (55), നിരോധിത പാന് ഉല്പന്നങ്ങളുമായി കോട്ടക്കല് ചെറുകാട്ടില് അവറാന്കുട്ടി ഹാജി (45) എന്നിവരെ എസ്.ഐ മഞ്ജിത്ത് ലാല് അറസ്റ്റ് ചെയ്തു. ബാപ്പു ഹാജി റോഡില് പ്രവര്ത്തിക്കുന്ന കടയുടമകളാണ് ഇരുവരും. രഹസ്യവിവരത്തെതുടര്ന്ന് ഞായറാഴ്ച രാത്രി എട്ടരയോടെയായിരുന്നു പരിശോധന. ഒരു പാക്കറ്റ് സിഗരറ്റാണ് പിടിച്ചെടുത്തത്. വിദ്യാര്ഥികള്ക്ക് 10 രൂപ നിരക്കിലാണ് ഇത് നല്കിയിരുന്നത്. വിലയോ ആരോഗ്യത്തിന് ഹാനികരം എന്ന മുന്നറിയിപ്പോ കവറില് രേഖപ്പെടുത്താതെയാണ് വില്പ്പനയെന്ന് എസ്.ഐ പറഞ്ഞു. എവിടെനിന്നാണ് സാധനം എത്തുന്നതെന്ന വിവരം ലഭ്യമായിട്ടില്ളെന്ന് പൊലീസ് പറയുന്നു. സി.പി.ഒമാരായ സജുകുമാര്, മുഹ്സിന്, അനില് എന്നിവരാണ് പരിശോധന നടത്തിയത്. ഇരുവര്ക്കും ജാമ്യം ലഭിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.