വേങ്ങര: കുടിവെള്ള പദ്ധതിക്കായി രണ്ട് വര്ഷം മുമ്പ് കോണ്ക്രീറ്റ് പ്ളാറ്റ്ഫോം കെട്ടി സ്ഥാപിച്ച ഫൈബര് ടാങ്കുകള് കാണാനില്ല. പറപ്പൂര് ഗ്രാമപഞ്ചായത്ത് രണ്ടാം വാര്ഡ് ചുള്ളിപ്പറമ്പിലെ ജലസംഭരണിയാണ് കാണാതായത്. പറവൂര് ഇരിങ്ങല്ലൂര് കനറാ ബാങ്കിന് സമീപമായി രണ്ട് വര്ഷം മുമ്പാണ് ഫൈബര് ടാങ്ക് സ്ഥാപിച്ചത്. ജലസംഭരണിയും പൈപ്പ് ലൈനും സ്ഥാപിക്കുന്ന നിര്മാണ ജോലികള് പൂര്ത്തീകരിച്ചെങ്കിലും കുടിവെള്ള പദ്ധതി കമീഷന് ചെയ്തിരുന്നില്ല. അതേസമയം, ഫൈബര് ടാങ്ക് നഷ്ടപ്പെട്ടത് ശ്രദ്ധയില്പ്പെട്ടിട്ടുണ്ടെന്നും തിരക്കുകള് കാരണം അന്വേഷിക്കാനായിട്ടില്ളെന്നും ഗ്രാമപഞ്ചായത്ത് പ്രസിഡന്റ് പാങ്ങോടത്ത് മുഹമ്മദ് കുട്ടി പറഞ്ഞു. നിലവില് ഉപയോഗശൂന്യമായ ഫൈബര് ടാങ്ക് സ്വകാര്യ ആവശ്യങ്ങള്ക്ക് ഉപയോഗിക്കാനായി ചിലര് ആവശ്യപ്പെട്ടിരുന്നെങ്കിലും അനുവദിച്ചിരുന്നില്ളെന്നും ടാങ്ക് മോഷണം പോയത് അന്വേഷിക്കാന് തിങ്കളാഴ്ച പൊലീസില് പരാതി നല്കുമെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.