പൊന്നാനി: പൊന്നാനി ഫിഷിങ് ഹാര്ബറിലുണ്ടായ തീപിടിത്തത്തില് മീന്ചാപ്പയും ബൈക്കുകളും മത്സ്യബന്ധന ഉപകരണങ്ങളും കത്തിനശിച്ചു. ഞായറാഴ്ച രാത്രി 8.30ഓടെയാണ് തീപിടിത്തമുണ്ടായത്. പൊന്നാനി മുന്സിഫ് മജിസ്ട്രേറ്റ് കോടതിക്ക് പടിഞ്ഞാറ് ഭാഗത്തെ കെ.കെ. കോയയുടെ ഉടമസ്ഥതയിലുള്ള മീന്ചാപ്പയാണ് കത്തിനശിച്ചത്. തൊട്ടടുത്തുണ്ടായിരുന്ന മൂന്ന് ബൈക്കുകള് പൂര്ണമായും ഒരു ബൈക്ക് ഭാഗികമായും കത്തിനശിച്ചു. മീന്ചാപ്പയില്നിന്ന് പുക ഉയരുന്നത് കണ്ട് മത്സ്യത്തൊഴിലാളികള് ഫയര്ഫോഴ്സിനെ വിവരമറിയിക്കുകയായിരുന്നു. തൊട്ടടുത്തുള്ള സൈനുദ്ദീന്െറയും എ.കെ. അബ്ദുല്ലക്കുട്ടിയുടെയും ഷെഡുകള് ഭാഗികമായി കത്തിനശിച്ചു. കത്തിയ മീന്ചാപ്പക്കകത്ത് സൂക്ഷിച്ചിരുന്ന മത്സ്യബന്ധന ബോട്ടുകളുടെ ഉപകരണങ്ങളും മത്സ്യം സൂക്ഷിക്കുന്ന പ്ളാസ്റ്റിക് പെട്ടികളും അഗ്നിക്കിരയായി. ഫയര്ഫോഴ്സും നാട്ടുകാരും ചേര്ന്ന് ഏറെ നേരം കഠിനാധ്വാനം ചെയ്താണ് തീ നിയന്ത്രണ വിധേയമാക്കിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.