കോഴിക്കോട്: കിണറ്റിൽ വീണ വീട്ടമ്മയെ രക്ഷിച്ചു. ചാലിൽതാഴം കിഴക്കുംമുറി കരിങ്ങാളിപറമ്പ് അബ്ദുൽ സലീമിൻെറ ഭാര്യ ഹാജിറയാണ് (45) തുണി കഴുകുന്നതിനിെട അബദ്ധത്തിൽ കിണറ്റിൽ വീണത്. 40 അടി താഴ്ചയും 15 അടി വെള്ളവുമുള്ള കിണറ്റിൽ അയൽവാസികളായ ധനീഷ്, വിനോദ് എന്നിവർ ഇറങ്ങി സ്ത്രീയെ താങ്ങിനിർത്തി. വെള്ളിമാട്കുന്ന് ഫയർ റെസ്ക്യൂ സ്റ്റേഷനിലെ സ്റ്റേഷൻ ഓഫിസർ കെ.പി. ബാബുരാജ്, സീനിയർ ഫയർ ആൻഡ് െറസ്ക്യൂ ഓഫിസർ സുജിത്ത് കുമാർ എന്നിവരുടെ നേതൃത്വത്തിൽ എത്തിയ സംഘത്തിലെ ഫയർ ആൻഡ് െറസ്ക്യൂ ഓഫിസർ മുഹമ്മദ് സാനിജ് കിണറ്റിലിറങ്ങി ഹാജിറയെയും ക്ഷീണിതരായ ധനീഷ്, വിനോദ് എന്നിവരെയും റെസ്ക്യൂ നെറ്റ് ഉപയോഗിച്ച് രക്ഷപ്പെടുത്തി. ഫയർ ആൻഡ് െറസ്ക്യൂ ഓഫിസർമാരായ വിപിൻ, ഷഫീക്ക്, രജിൻ, രഞ്ജിത്ത്, ഷൈലേഷ്, ബിനു എന്നിവരും ഹോംഗാർഡ് തോമസ് ജോണും രക്ഷാപ്രവർത്തനത്തിൽ പങ്കുചേർന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.