പെരുമണ്ണ: പഞ്ചായത്തിൽ പരിസ്ഥിതിദിനത്തിൽ നട്ടു പിടിപ്പിക്കാൻ രണ്ടു നഴ്സറികളിലായി ഒരുക്കിയ വൃക്ഷത്തൈകളുടെ വിതരണോദ്ഘാടനം പഞ്ചായത്ത് പ്രസിഡൻറ് കെ. അജിത നിർവഹിച്ചു. പേര, നെല്ലി, ലക്ഷ്മിതരു, വുഡ് ആപ്പിൾ, കറിവേപ്പ്, സപ്പോട്ട, കുടംപുളി തുടങ്ങിയ 40,000 തൈകൾ ആണ് ഉൽപാദിപ്പിച്ചത്. മുഴുവൻ കറിവേപ്പു തൈകളും പഞ്ചായത്തിലെ സ്കൂൾ വിദ്യാർഥികൾക്കാണ് വിതരണം ചെയ്തത്. ചടങ്ങിൽ അസി. സെക്രട്ടറി ടി. ബിനു, വൈസ് പ്രസിഡൻറ് എൻ.വി. ബാലൻ നായർ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്സൻ കെ. അഹമ്മദ്, ഗ്രാമപഞ്ചായത്ത് മെംബർമാരായ ചെറാട്ട് നൗഷാദ്, വി.പി. ബാലകൃഷ്ണൻ, അജിത കുമാരി, എം.എ. പ്രതീഷ് എന്നിവർ പങ്കെടുത്തു. 13ാം വാർഡിലെ മല്ലിശ്ശേരി സജീന്ദ്രൻ, ഏഴാം വാർഡിലെ എടുംക്കുചാലിൽ ലത്തീഫ് എന്നിവരുടെ സ്ഥലത്തായിരുന്നു തൊഴിലുറപ്പ് തൊഴിലാളികൾ നഴ്സറി ഒരുക്കിയിരുന്നത്. എൻജിനീയർ മജ്നാസ്, ഒാവർസിയർ ദിനീഷ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.