മുക്കം: യുവതലമുറ തെരെഞ്ഞടുപ്പ് പ്രക്രിയയിൽ സജീവമായി പങ്കെടുത്ത് ജനാധിപത്യത്തെ ശക്തിപ്പെടുത്തുന്നതിൽ പങ്കാളികളാവണമെന്ന് അസി. കലക്ടർ കെ.എസ്. അഞ്ജു. താമരശ്ശേരി താലൂക്ക് ഇലക്ഷൻ വിഭാഗവും മണാശ്ശേരി എം.എ.എം.ഒ കോളജ് ഇലക്ഷൻ ലിറ്റററി ക്ലബും ആസാദി യൂനിയനും സംയുക്തമായി സംഘടിപ്പിച്ച വോട്ടർ പട്ടികയിൽ പേരുചേർക്കൽ കാമ്പയിനിെൻറ ഭാഗമായി സംഘടിപ്പിച്ച ബോധവത്കരണം ഉദ്ഘാടനം ചെയ്യുകയായിരുന്നു അവർ. കോളജ് പ്രിന്‍സിപ്പൽ ടി.പി. അബ്ബാസ് അധ്യക്ഷത വഹിച്ചു. താമരശ്ശേരി താലൂക്ക് തഹസിൽദാർ മുഹമ്മദ് റഫീഖ് ഓണ്‍ലൈന്‍ അപേക്ഷപത്രം പൂരിപ്പിക്കല്‍ ഉദ്ഘാടനം ചെയ്തു. താമരശ്ശേരി ഇലക്ഷന്‍ ഡെപ്യൂട്ടി തഹസില്‍ദാര്‍ ശ്രീധരന്‍ മോഡറേറ്ററായിരുന്നു. കെ.സി. അബ്ദുൽ വഹാബ് 'റോള്‍ ഓഫ് വോട്ടേഴ്‌സ് ഇന്‍ എംപവറിങ് ഡെമോക്രസി'വിഷയത്തില്‍ സെമിനാര്‍ അവതരിപ്പിച്ചു. അജ്മൽ മുഈൻ കൊടിയത്തൂർ, ഡോ. അബൂബക്കര്‍ മങ്ങാട്ടുചാലിൽ, പി.ടി.എ വൈസ് പ്രസിഡൻറ് റസാഖ് കൊടിയത്തൂര്‍ എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.