മുക്കം: പാലക്കാട്ടുവെച്ച് നടന്ന സംസ്ഥാന മജ്ലിസ് ഫെസ്റ്റിൽ ചേന്ദമംഗലൂർ അൽമദ്റസത്തുൽ ഇസ്ലാമിയക്ക് മികച്ച നേട്ടം. സീനിയർ വിഭാഗം കോൽക്കളിയിൽ എ ഗ്രേഡോടെ ഒന്നാം സ്ഥാനവും, വട്ടപ്പാട്ടിൽ എ ഗ്രേഡോടെ രണ്ടാം സ്ഥാനവും, സീനിയർ വിഭാഗം അറബിക് പ്രസംഗത്തിൽ എ ഗ്രേഡോടെ നാലാം സ്ഥാനവും, ജൂനിയർ വിഭാഗത്തിൽ അറബിക് പദ്യംചൊല്ലലിൽ എ ഗ്രേഡോടെ നാലാം സ്ഥാനവും, സബ് ജൂനിയർ അറബിക് കഥപറയലിൽ എ ഗ്രേഡും നേടി മൊത്തം 30 പോയൻറുകളുമായാണ് മികച്ച വിജയം നേടിയത്. കോൽക്കളിയിൽ ഇത് ഹാട്രിക് വിജയമാണ് കരസ്ഥമാക്കിയത്. തഹ്സീലാണ് ടീമിനെ നയിച്ചത്. ഷാദ് മുഹമ്മദ്, എം. നദീം, ഹാനി ഹാരിസ്, അഫ്ലഹ് അമീൻ, ഹാദി ഹംദാൻ, മുഹമ്മദ്നിയാൽ, ഷർജാൻ അഹമ്മദ്, ഫിദുൽ ഖാദർ, അർഷഖ് നിയാൽ, റസൽ സലീം, ഇഹ്സാൻ എന്നിവരാണ് മറ്റംഗങ്ങൾ. വിജയികളെ പി.ടി.എയും സ്റ്റാഫും അഭിനന്ദിച്ചു. പ്രിൻസിപ്പൽ സി. ഇസ്ഹാഖ് അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.