വടകര: മന്തരത്തൂര്‍ എം.എൽ.പി സ്കൂള് പുതിയ കെട്ടിടോദ്ഘാടനവും 108ാം വാര്‍ഷികവും ഏപ്രില്‍ അഞ്ചിന് വിവിധ പരിപാടികളോടെ നടക്കുമെന്ന് സ്കൂള് അധികൃതര്‍ വാര്‍ത്താസമ്മേളനത്തില്‍ അറിയിച്ചു. ബോധവത്കരണം, മെഡിക്കല്‍ ക്യാമ്പ്, സാംസ്കാരിക സദസ്സ്, പൊതുവിദ്യാഭ്യാസ സംരക്ഷണ കൂട്ടായ്മ എന്നിവ നടത്തിയിട്ടുണ്ട്. വടകര വനിത സെൽ ആഭിമുഖ്യത്തില്‍ ഞായറാഴ്ച സ്ത്രീ സ്വയം രക്ഷാ പരിശീലന ക്യാമ്പും ചൊവ്വാഴ്ച വിളംബര ഘോഷയാത്രയും നടക്കും. വ്യാഴാഴ്ച വൈകീട്ട് അഞ്ചിന് മന്ത്രി സി. രവീന്ദ്രനാഥ് കെട്ടിടോദ്ഘാടനം നിര്‍വഹിക്കും. 6.30ന് വാര്‍ഷികാഘോഷം മുല്ലപ്പള്ളി രാമചന്ദ്രന്‍ എം.പി ഉദ്ഘാടനം ചെയ്യും. പൂര്‍വ അധ്യാപകരെയും വിവിധ മത്സരങ്ങളില്‍ വിജയിച്ചവരെയും അനുമോദിക്കും. വാര്‍ത്താ സമ്മേളനത്തില്‍ സ്കൂള് മാനേജര്‍ കെ.പി. അമ്മദ്, സ്വാഗതസംഘം ഭാരവാഹികളായ പാലക്കണ്ടി റഷീദ്, കെ.എ. ബാലന്‍, ഷാജി മന്തരത്തൂര്‍, പി.സി. ശ്രീജിത്ത് എന്നിവര്‍ സംബന്ധിച്ചു. kzvtk03 വ്യാഴാഴ്ച ഉദ്ഘാടനം ചെയ്യുന്ന മന്തരത്തൂര്‍ എം.എല്‍.പി സ്കൂൾ കെട്ടിടം
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.