കോഴിക്കോട്: അണ്ടർ-17 ലോകകപ്പ് ഫുട്ബാളിനെ വരവേൽക്കാൻ കായിക താരങ്ങളും മാധ്യമപ്രവർത്തകരും തമ്മിലുള്ള പ്രദർശനമത്സരത്തിന് കോർപറേഷൻ സ്റ്റേഡിയം സാക്ഷിയായി. ഫ്ലഡ്ലിറ്റിന് കീഴിൽ നടന്ന മത്സരത്തിൽ കാലിക്കറ്റ് പ്രസ് ക്ലബും ജില്ല സ്പോർട്സ് കൗൺസിൽ ടീമുമാണ് ഏറ്റുമുട്ടിയത്. മത്സരത്തിൽ സ്പോർട്സ് കൗൺസിൽ ടീം 3-0ത്തിന് പ്രസ്ക്ലബിനെ തോൽപിച്ചു. സലാഹുദീൻ രണ്ടും സുജിത്ത് ബാബു ഒരു ഗോളും േനടി. മുൻ ഇന്ത്യൻ താരങ്ങളായ പ്രേംനാഥ് ഫിലിപ്, കെ.പി. സേതുമാധവൻ എന്നിവരും കബീർ ദാസ്, എം. ഹാരിസ് തുടങ്ങിയ താരങ്ങളും സ്പോർട്സ് കൗൺസിൽ ടീമിൽ അണിനിരന്നിരുന്നു. പ്രസിഡൻറ് കമാൽ വരദൂരും സെക്രട്ടറി എൻ. രാജേഷും മാധ്യമപ്രവർത്തകരുടെ ടീമിനെ നയിച്ചു. ജില്ല സ്പോർട്സ് കൗൺസിൽ പ്രസിഡൻറ് കെ.ജെ. മത്തായി ട്രോഫികൾ വിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.