പാഠപുസ്തക വിതരണത്തിലെ താളപ്പിഴ: എം.എസ്.എഫ് പ്രതിഷേധിച്ചു കോഴിക്കോട്: രണ്ടാംഘട്ട സ്കൂള് പാഠപുസ്തക വിതരണത്തിലെ താളപ്പിഴയിൽ പ്രതിഷേധിച്ച് ഡി.ഡി.ഇ ഓഫിസ് ഇന്ചാര്ജായ അഡ്മിനിസ്ട്രേറ്റിവ് അസിസ്റ്റൻറ് ടി. രാധയെ എം.എസ്.എഫ് പ്രവര്ത്തകര് ഉപരോധിച്ചു. ചൊവ്വാഴ്ച ഉച്ചക്ക് 12ഒാടെ എം.എസ്.എഫ് പ്രവർത്തകർ പ്രകടനമായെത്തി കോഴിക്കോട് ഡി.ഡി.ഇ ഓഫിസില് ഉപരോധസമരം നടത്തുകയായിരുന്നു. സംസ്ഥാന പ്രസിഡൻറ് മിസ്അബ് കീഴരിയൂർ, സെക്രട്ടറി നിഷാദ് കെ. സലിം, ജില്ല പ്രസിഡൻറ് എ.പി. സമദ്, കെ.ടി. റഹൂഫ്, അഫ്നാസ് ചോറോട്, സ്വാഹിബ് മുഖദാർ, സാബിത്ത് മായനാട്, നൂറുദ്ദീന് ചെറുവറ്റ, ഷമീര് പാഴൂർ, അല്ഷിനാസ്, ഇര്ഷാൻ, നവാസ് ഇല്ലത്ത് ഉൾപ്പെടെയുള്ളവരെ പിന്നീട് കസബ പൊലീസ് അറസ്റ്റ് ചെയ്തു നീക്കി. സമരത്തെ തുടര്ന്ന് ഓഫിസ് പ്രവര്ത്തനം ഏറെേനരം സ്തംഭിച്ചു. വിദ്യാഭ്യാസ വകുപ്പിെൻറ വിദ്യാർഥി വഞ്ചനക്കെതിരെ എം.എസ്.എഫ് സമരം ശക്തമാക്കുമെന്നും ബുധനാഴ്ച വിവിധ ജില്ല ഡി.ഡി.ഇ ഓഫിസുകളിലേക്ക് പ്രതിഷേധ മാര്ച്ച് സംഘടിപ്പിക്കുമെന്നും സംസ്ഥാന പ്രസിഡൻറ് മിസ്ഹബ് കീഴരിയൂരും ജനറൽ സെക്രട്ടറി എം.പി. നവാസും അറിയിച്ചു. പടം......pk
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.