കോഴിക്കോട്: നഗരത്തിൽ പുതിയൊരു കരിങ്കൽ ശിൽപം കൂടി. ബീച്ച് ലയൺസ് പാർക്കിലാണ് പുതിയ ശിൽപം സ്ഥാപിച്ചത്. ലയൺസ് ക്ലബിെൻറ ശതാബ്ദിയോടനുബന്ധിച്ചാണ് ക്ലബ് സ്ഥാപകൻ മെൽവിൽ ജോൺസിെൻറ പേരിൽ കടലിന് സമാന്തരമായി ശിൽപം സ്ഥാപിച്ചത്. ജോർജ് എം. വർഗീസാണ് ശിൽപം നിർമിച്ചത്. എട്ടടിയുള്ള വലിയ കല്ലിലും മറ്റൊരു ചെറിയ കല്ലിലുമായാണ് സിംഹത്തിെൻറ മുഖത്തോടുകൂടി കുത്തനെയുള്ള ശിൽപം നിർമിച്ചത്. പാലക്കാട് കല്ലുവഴിയിൽവെച്ച് നാലു മാസത്തോളമെടുത്താണ് ശിൽപം നിർമിച്ചെതന്ന് ജോർജ് എം. വർഗീസ് പറഞ്ഞു. ശിൽപം മേയർ തോട്ടത്തിൽ രവീന്ദ്രൻ ഉദ്ഘാടനം ചെയ്തു. ലയൺസ് ക്ലബ് പ്രസിഡൻറ് ശെൽവരാജ് അധ്യക്ഷതവഹിച്ചു. ശിൽപി േജാർജ് എം. വർഗീസ്, കെ.ടി. അജിത്ത്, കെ.ടി. രഘുനാഥ്, കെ. ശിവപ്രസാദ്, ജോൺസ് മാത്യു, ടി. അജിത്ത് കുമാർ, ഷിബിൻരാജ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.