പൈപ്പ്​ പൊട്ടി റോഡ് പൊളിഞ്ഞു; നാട്ടുകാർ വാഴ നട്ട്​ ​പ്രതിഷേധിച്ചു

കുറ്റിക്കാട്ടൂർ: വാട്ടർ അതോറിറ്റിയുടെ പൈപ്പ് പൊട്ടിയതിനെതുടർന്ന് േറാഡിൽ രൂപപ്പെട്ട കുഴി മൂടാത്തതിൽ പ്രതിഷേധിച്ച് നാട്ടുകാർ വഴ നട്ടു. റോഡ് പൊട്ടിപ്പൊളിഞ്ഞ് വെള്ളം പരന്നൊഴുകാൻ തുടങ്ങിയിട്ട് മാസങ്ങളായി. വെള്ളിപറമ്പ് വരമ്പിന് താഴെ പ്രത്യക്ഷപ്പെട്ട നടുറോഡിലെ കുഴിയിൽ ഇരുചക്രവാഹനങ്ങളും മറ്റു വലിയ വണ്ടികളും അപകടത്തിൽപെടുന്നുണ്ട്.