കോഴിക്കോട്: ഗ്രേറ്റർ മലബാർ ഇനിഷ്യേറ്റിവിെൻറ നേതൃത്വത്തിൽ പുതിയ വ്യവസായ സംരംഭകർക്കായി 'സ്റ്റാർട്ടപ് പിച്ചിങ് കോൺടെസ്റ്റ് 2017' നടത്തും. കൃഷി, ആരോഗ്യ സംരക്ഷണം, ഫുട്വെയർ മാനുഫാക്ചറിങ് എന്നീ വ്യവസായ മേഖലയെ ഉൾക്കൊള്ളിച്ചാണ് മത്സരമെന്ന് സംഘാടകർ അറിയിച്ചു. ഈ മേഖലകളിൽ വ്യവസായം തുടങ്ങാൻ ആശയങ്ങളുള്ള വിദ്യാർഥികൾക്കും അല്ലാത്തവർക്കും പരിപാടിയിൽ പങ്കെടുക്കാം. മികച്ച ആശയങ്ങൾ അവതരിപ്പിക്കുന്നവർക്ക് ഒരു ലക്ഷം രൂപവരെ സമ്മാനം ലഭിക്കും. നവംബർ 24, 25, 26 തീയതികളിലാണ് പരിപാടി. താൽപര്യമുള്ളവർ പേർ, ഇ--മെയിൽ, ഫോൺ നമ്പർ എന്നിവ നവംബർ 10നു മുമ്പായി gmi.spc@gmail.com എന്ന ഇ-മെയിലേക്ക് അയക്കണം. ഫോൺ: 9645004426. വാർത്തസമ്മേളനത്തിൽ ജി.എം.ഐ ജനറൽ സെക്രട്ടറി റോഷൻ കൈനഡി, വൈസ് പ്രസിഡൻറ് എ.കെ. നിഷാദ്, കൺവീനർ ലിജോ ജോൺ തുടങ്ങിയവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.