തൊടുപുഴ: സി.പി.എം ബ്രാഞ്ച് സെക്രട്ടറിയെ വെട്ടിപ്പരിക്കേൽപിച്ചു. തൊടുപുഴ തെക്കുംഭാഗം അയ്യമ്പാറ ബ്രാഞ്ച് സെക്രട്ടറി മഠത്തിൻചിറയിൽ സാബു മൈക്കിളിനാണ് (45) വെേട്ടറ്റത്. നെറ്റിയിൽ ആഴത്തിൽ മുറിവേറ്റ ഇദ്ദേഹത്തെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു. സംഭവവുമായി ബന്ധപ്പെട്ട് സാബുവിെൻറ ബന്ധുവും അയൽവാസിയുമായ ആലാംകുന്നേൽ ബെന്നിയെ മുട്ടം പൊലീസ് അറസ്റ്റ് ചെയ്തു. ഇയാളുടെ പിതാവ് കുഞ്ഞിനെ പൊലീസ് തിരയുന്നു. ഞായറാഴ്ച വൈകീട്ട് 7.15ഓടെ തെക്കുംഭാഗം അയ്യമ്പാറയിലായിരുന്നു സംഭവം. സംഭവത്തെക്കുറിച്ച് സാബു പറയുന്നതിങ്ങനെ: മദ്യപിച്ചെത്തി ബഹളമുണ്ടാക്കിയ ബെന്നിയെ താൻ വീട്ടിലേക്ക് പറഞ്ഞുവിടാൻ ശ്രമിച്ചു. ഇതിനിടെ ഇയാൾ അസഭ്യം പറഞ്ഞത് ചോദ്യംചെയ്തു. ഇതുകണ്ട് വീട്ടിൽനിന്ന് വാക്കത്തിയുമായെത്തിയ കുഞ്ഞ് വെട്ടുകയായിരുന്നു. TDG2 വെേട്ടറ്റ് ആശുപത്രിയിൽ കഴിയുന്ന സാബു മൈക്കിൾ
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.