കേരളത്തിൽ യു.ഡി.എഫ് സംവിധാനം കെട്ടിപ്പടുത്തത് സി.എച്ചും കരുണാകരനും -കെ. മുരളീധരൻ നാദാപുരം: കേരളത്തിൽ യു.ഡി.എഫ് സംവിധാനം കെട്ടിപ്പടുക്കുന്നതിൽ കെ. കരുണാകരനോടൊപ്പം സി.എച്ച് വഹിച്ച പങ്ക് ഏറെ വലുതാണെന്ന് കോൺഗ്രസ് നേതാവ് കെ. മുരളീധരൻ എം.എൽ.എ. നാദാപുരം പഞ്ചായത്ത് മുസ്ലിം ലീഗ് സംഘടിപ്പിച്ച സി.എച്ച് അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പഞ്ചായത്ത് ലീഗ് പ്രസിഡൻറ് എം.പി. സൂപ്പി അധ്യക്ഷത വഹിച്ചു. കെ.പി. കുഞ്ഞിമ്മൂസ, എം.സി വടകര എന്നിവർ അനുസ്മരണ പ്രഭാഷണം നടത്തി. നാദാപുരം ഖാദി പി. അഹമ്മദ് മൗലവി, കെ.പി.സി.സി സെക്രട്ടറി കെ. പ്രവീൺകുമാർ, ലീഗ് നേതാക്കളായ സി.വി.എം. വാണിമേൽ, സി.കെ. സുബൈർ, സൂപ്പി നരിക്കാട്ടേരി, അഹമ്മദ് പുന്നക്കൽ, ബംഗ്ലത്ത് മുഹമ്മദ്, വി.വി. മുഹമ്മദലി, തെങ്ങലക്കണ്ടി അബ്ദുല്ല, എം.പി. ജാഫർ, മണ്ടോടി ബഷീർ, പഞ്ചായത്ത് പ്രസിഡൻറ് എം.കെ. സഫീറ, വൈസ് പ്രസിഡൻറ് സി.വി. കുഞ്ഞികൃഷ്ണൻ എന്നിവർ സംസാരിച്ചു. എൻ.കെ. ജമാൽ ഹാജി സ്വാഗതവും സുബൈർ ചേലക്കാട് നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.