മാവൂർ: ഹരിത കേരളം പദ്ധതി പ്രകാരം മാവൂർ ഗ്രാമപഞ്ചായത്തിൽ നടപ്പാക്കുന്ന 'മാമ്പൂവ്' മാലിന്യമുക്ത പദ്ധതിയുടെ ഭാഗമായുള്ള ശുചിത്വ സാക്ഷരത യജ്ഞം വിപുലമായി നടത്താൻ തീരുമാനം. ഗ്രാമപഞ്ചായത്ത് അംഗങ്ങളുടെയും സി.ഡി.എസ് അംഗങ്ങളുടെയും സംയുക്ത യോഗത്തിലാണ് തീരുമാനം. നിരോധിച്ച പ്ലാസ്റ്റിക് ഉൽപന്നങ്ങൾ വിതരണം ചെയ്യുന്നത് തടയാൻ കടകളിൽ പരിശോധ കർശനമാക്കും. പഞ്ചായത്തിെല 313 അയൽക്കൂട്ടങ്ങളിൽ പരിശീലനം ലഭിച്ച റിസോഴ്സ് പേഴ്സൻമാരുടെ നേതൃത്വത്തിൽ ശുചിത്വ ബോധവത്കരണ ക്ലാസ് സംഘടിപ്പിക്കും. ഒക്ടോബർ 30ഒാടെയാണ് ക്ലാസുകൾ പൂർത്തിയാക്കുക. ആർ.പിമാർക്കുള്ള പരിശീലനം ഒക്ടോബർ 15ഒാടെ പൂർത്തിയാക്കാനും തീരുമാനമായി. യോഗത്തിൽ ഗ്രാമപഞ്ചായത്ത് പ്രസിഡൻറ് സി. മുനീറത്ത് അധ്യക്ഷത വഹിച്ചു. ൈവസ് പ്രസിഡൻറ് വളപ്പിൽ റസാഖ്, സ്ഥിരം സമിതി അധ്യക്ഷരായ കെ.സി. വാസന്തി വിജയൻ, കെ. കവിതാഭായ്, കെ. ഉസ്മാൻ, അംഗങ്ങളായ യു.എ. ഗഫൂർ, കെ. അനൂപ്, സെക്രട്ടറി എം.എ. റഷീദ്, സി.ഡി.എസ് ചെയർപേഴ്സൻ പി. ഭവിത എന്നിവർ സംസാരിച്ചു. കെട്ടിടങ്ങൾ നിയമാനുസൃതമാക്കാൻ അവസരം മാവൂർ: ഗ്രാമപഞ്ചായത്തിെൻറ അനുമതിയില്ലാതെ നിർമിച്ചതും കൂട്ടിച്ചേർത്തതുമായ കെട്ടിടങ്ങൾ നിയമാനുസൃതമാക്കുന്നതിെൻറ ഭാഗമായി പ്ലാൻ സമർപ്പിച്ച് ശിക്ഷാ നടപടികളിൽനിന്ന് ഒഴിവാക്കുന്നതിനായി ഗ്രാമ പഞ്ചായത്ത് അവസരം നൽകുന്നു. അപേക്ഷ നവംബർ 30നകം ഗ്രാമപഞ്ചായത്ത് ഒാഫിസിൽ ലഭിക്കണം
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.