കോഴിക്കോട്: സംസ്ഥാനത്തെ ഏറ്റവും പഴയ തൊഴിൽശാലകളിലൊന്നായ പുതിയറ കോംട്രസ്റ്റ് ഒാട്ടുകമ്പനിയുടെ ഭൂമി വിൽക്കാനുള്ള ശ്രമം കമ്പനി ഉപേക്ഷിച്ചു. കോഴിക്കോെട്ട ബാസൽ മിഷൻ സൊസൈറ്റി ഒന്നാം മുൻസിഫ് കോടതിയിൽ ഭൂമി വിൽപനക്കെതിരെ നൽകിയ ഹരജി പരിഗണിക്കവെ കമ്പനി ഇക്കാര്യം അറിയിക്കുകയായിരുന്നു. ഭൂമി ലേലവുമായി ബന്ധപ്പെട്ട് കമ്പനി നടത്തിയ നടപടികൾ സുതാര്യമല്ലെന്ന് കാണിച്ച് ബാസൽമിഷൻ സൊസൈറ്റി കൊടുത്ത കേസിൽ ലേല നടപടിതന്നെ പിൻവലിക്കുകയാണെന്ന് കാണിച്ച് കമ്പനി കോടതിയിൽ സത്യവാങ്മൂലം നൽകുകയായിരുന്നു. എന്നാൽ, ലേല നടപടികൊണ്ട് തങ്ങൾക്കുണ്ടായ നഷ്ടത്തിനും മറ്റും വേണ്ടി കേസുമായി മുന്നോട്ടു പോകാനാണ് തീരുമാനമെന്ന് ബാസൽ മിഷൻ സൊസൈറ്റി പ്രസിഡൻറ് ഡോ. ഒലിവർ നൂൺ അറിയിച്ചു. 1875ൽ ബാസൽ മിഷൻ കോഴിക്കോട്ട് സ്ഥാപിച്ച ഒാട്ട് കമ്പനിയുടെ ഭാഗമാണ് വിൽക്കാൻെവച്ച ഭൂമി എന്നാണ് ബാസൽ മിഷൻ സൊസൈറ്റിയുടെ വാദം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.