വളയം: പനിയും ചുമയും ബാധിച്ച് ആശുപത്രിയിൽ ചികിത്സ തേടിയ നാലു വയസ്സുകാരിക്ക് നൽകിയ മരുന്നുകുപ്പിയിൽ പ്ലാസ്റ്റിക് കഷണം കണ്ടെത്തിയ സംഭവത്തിൽ മരുന്നുവിതരണം നിർത്തിവെച്ചു. യുണി കോൺ പ്രൈവറ്റ് ലിമിറ്റഡ് ഉത്തർ പ്രദേശ് കമ്പനിയുടെ അമോക്സിലിൽ ഓറൽ സസ്പെൻഷൻ എന്ന 529 ബാച്ച് മരുന്നാണ് സർക്കാർ ആശുപത്രിയിൽ വിതരണം ചെയ്യുന്നത് നിർത്തിവെച്ചത്. വളയം കമ്യൂണിറ്റി ഹെൽത്ത് സെൻററിൽ കഴിഞ്ഞദിവസം ചികിത്സ തേടിയെത്തിയ കുട്ടിക്ക് നൽകിയ മരുന്നിലാണ് പ്ലാസ്റ്റിക് കഷണം കെണ്ടത്തിയത്. കുട്ടിയുടെ രക്ഷിതാവ് ഇതുസംബന്ധിച്ച് ആരോഗ്യവകുപ്പിന് പരാതി നൽകിയിരുന്നു. ഇതേത്തുടർന്നാണ് സർക്കാർ ആശുപത്രിയിൽ ഈ ബാച്ച് മരുന്നുകളുടെ വിതരണം നിർത്തിവെച്ചത്. നേരത്തെ, ആശുപത്രിയിൽനിന്ന് വിതരണം ചെയ്ത പാരസെറ്റാമോൾ ഗുളികയിൽനിന്ന് കമ്പി കഷണം കണ്ടെത്തിയിരുന്നു. എന്നാൽ, ഒരു നടപടിയും ഉണ്ടായിട്ടില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.