ജീവനക്കാരില്ല; നൊച്ചാട് ഗവ. ആയുർവേദ ആശുപത്രി പ്രവർത്തനം താളംതെറ്റുന്നു

പേരാമ്പ്ര: നൊച്ചാട് ഗവ. ആയുർവേദ ആശുപത്രിയിൽ ആവശ്യത്തിന് ജീവനക്കാരില്ലാത്തത് കിടത്തിചികിത്സക്കെത്തുന്ന രോഗികളുൾപ്പെടെയുള്ളവർക്ക് ദുരിതമാവുന്നു. ചാത്തോത്ത്താഴ- ഹെൽത്ത് സ​െൻറർ ഭാഗത്ത് പ്രവർത്തിക്കുന്ന ആശുപത്രിയിൽ പല ഭാഗങ്ങളിൽനിന്നായി നിരവധി രോഗികൾ എത്താറുണ്ട്. ഡോക്ടറുടെ സേവനം കൃത്യമായി ഉണ്ടാവുന്നുണ്ടെങ്കിലും ആവശ്യത്തിന് മരുന്നും ഫാർമസിസ്റ്റും മറ്റു ജീവനക്കാരും ഇല്ലാത്തതാണ് ദുരിതമാകുന്നത്. വനിത, പുരുഷ വാർഡുകളിൽ ഓരോ താൽക്കാലിക തെറപ്പിസ്റ്റുകളാണുള്ളത്. ഒരു വാർഡിൽ രണ്ട് തെറപ്പിസ്റ്റുകൾ നിർബന്ധമാണെന്നിരിക്കെ രണ്ട് വാർഡിൽ ഒരാളെന്ന നിലയിലാണ് ഇവിടെ. ആശുപത്രിയിൽ ആവശ്യത്തിന് ചികിത്സസൗകര്യവും ജീവനക്കാരും വേണമെന്നും ആവശ്യമായ മരുന്നുകൾ ലഭ്യമാക്കണമെന്നും രോഗികൾ ആവശ്യപ്പെടുന്നു.