കൊയിലാണ്ടി: ദേശീയപാതയിൽ പൂക്കാട് ലോറികൾ കൂട്ടിയിടിച്ചുണ്ടായ അപകടത്തിൽ രണ്ടു പേർക്ക് സാരമായ പരിക്കേറ്റു. ബുധനാഴ്ച പുലർച്ചെയാണ് സംഭവം. മീൻ കയറ്റിയ ബൊലോറ പിക്കപ്പ് ലോറിയും ചരക്കു ലോറിയും തമ്മിലാണ് കൂട്ടിയിടിച്ചത്. ഇടിയുടെ ആഘാതത്തിൽ പിക്കപ്പ് ലോറി ഞെരിഞ്ഞ് അമർന്നു. കണ്ണൂർ പിലാത്തറ സ്വദേശി അബൂബക്കർ സിദ്ദീഖ് (24), കണ്ണൂർ പഴയങ്ങാടി സ്വദേശി ഷൈനാദ് എന്നിവർക്കാണ് പരിേക്കറ്റത്. ഓടിയെത്തിയ നാട്ടുകാരാണ് രക്ഷാപ്രവർത്തനം നടത്തിയത്. അബൂബക്കർ സിദ്ദീഖിനെ ആദ്യം പുറത്തെടുത്തെങ്കിലും ഷൈനാദ് കുടുങ്ങിക്കിടന്നു. ഫയർഫോഴ്സ് യൂനിറ്റ് എത്തി 20 മിനിറ്റ് ശ്രമിച്ചാണ് ഇയാളെ രക്ഷിക്കാനായത്. ഇരുവരെയും കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. അസി. സ്റ്റേഷൻ ഓഫിസർ സി.പി. ആനന്ദൻ, മനു പ്രസാദ്, വിനീഷ്, സത്യൻ, ജ്യോതികുമാർ, ബിനീഷ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.