ഗെയിൽ വിരുദ്ധ പ്രക്ഷോഭം ശക്തമാക്കും -മുസ്ലിം ലീഗ് കൊടിയത്തൂർ: കോഴിക്കോട്-മലപ്പുറം അതിർത്തി പഞ്ചായത്തുകളിലെ മുസ്ലിം ലീഗ് നേതൃയോഗം പന്നിക്കോട് ചേർന്നു. ഗെയിൽ വിരുദ്ധ സമരം ശക്തമാക്കുന്നതിന് വിവിധ കമ്മിറ്റികൾ രൂപവത്കരിച്ചു. ഗെയിൽ വിരുദ്ധ സമരസമിതിയുമായി സഹകരിച്ചാണ് മുസ്ലിം ലീഗ് പ്രക്ഷോഭം സംഘടിപ്പിക്കുന്നത്. ജില്ല മുസ്ലിം ലീഗ് സെക്രട്ടറി സി.പി. ചെറിയമുഹമ്മദ് ഉദ്ഘാടനം ചെയ്തു. ഏറനാട് മണ്ഡലം മുസ്ലിം ലീഗ് സെക്രട്ടറി ഗഫൂർ കുറുമാടൻ അധ്യക്ഷത വഹിച്ചു. മലപ്പുറം ജില്ല യൂത്ത്ലീഗ് ജനറൽ സെക്രട്ടറി കെ.ടി. അഷ്റഫ്, കുന്ദമംഗലം ബ്ലോക്ക് വൈസ് പ്രസിഡൻറ് കെ.പി. അബ്ദുറഹ്മാൻ, നജീബ് കാരങ്ങാടൻ, പുതുക്കുടി മജീദ്, കെ.സി.എ. ശുക്കൂർ കീഴ്പറമ്പ്, കെ. കോയ കാരശ്ശേരി, എൻ.കെ. അശ്റഫ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.