മേപ്പയ്യൂർ: ആച്ചിക്കുളങ്ങര -കണ്ടംചിറ തോട് സി.പി.എം മേപ്പയ്യൂർ നോർത്ത് ലോക്കൽ കമ്മിറ്റിയുടെ നേതൃത്വത്തിൽ നവീകരിച്ചു. ആയിരത്തോളം സന്നദ്ധ പ്രവർത്തകരാണ് തോട്പുനരുദ്ധാരണ പ്രവർത്തനത്തിൽ അണിനിരന്നത്. മേലടി ബ്ലോക്ക് പഞ്ചായത്ത് പ്രസിഡൻറ് കെ. കുഞ്ഞിരാമൻ ഉദ്ഘാടനം ചെയ്തു. പേരാമ്പ്ര മണ്ഡലം മിഷൻ ചെയർമാൻ എം. കുഞ്ഞമ്മദ് പ്രവൃത്തി ഉദ്ഘാടനം നിർവഹിച്ചു. മേപ്പയ്യൂർ പഞ്ചായത്തിലെ 5-ാം വാർഡിൽ നിന്നാരംഭിച്ച് ഒന്നാം വാർഡിലെ കണ്ടംചിറയിൽ അവസാനിക്കുന്ന ആറു കി.മീ. തോടാണ് സന്നദ്ധ പ്രവർത്തകർ പുനരുദ്ധരിച്ചത്. അത്തിക്കോട്ട് മുക്കിൽ നടന്ന ഉദ്ഘാടന ചടങ്ങിൽ പഞ്ചായത്ത് പ്രസിഡൻറ് പി.കെ. റീന അധ്യക്ഷത വഹിച്ചു. വൈസ് പ്രസിഡൻറ് കെ.ടി. രാജൻ, സ്റ്റാൻഡിങ് കമ്മിറ്റി ചെയർമാന്മാരായ യൂസുഫ് കോറോത്ത്, വി.പി രമ, ലോക്കൽ സെക്രട്ടറി പി.പി. രാധാകൃഷ്ണൻ, പി. പ്രസന്ന, എൻ.കെ. ചന്ദ്രൻ, കെ.കെ. വിജിത്ത് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.