കോഴിക്കോട്: കേരള എൻ.ജി.ഒ യൂനിയൻ നേതൃത്വത്തിൽ സംസ്ഥാന സർക്കാർ ജീവനക്കാരുടെ ജില്ല കായികമേള കോഴിക്കോട് ഫിസിക്കൽ എജുക്കേഷൻ കോളജ് മൈതാനിയിൽ നടന്നു. ജില്ല സ്പോർട്സ് കൗൺസിൽ പ്രസിഡൻറ് കെ.ജെ. മത്തായി ഉദ്ഘാടനം ചെയ്തു. ജില്ല പ്രസിഡൻറ് പി. അജയകുമാർ അധ്യക്ഷത വഹിച്ചു. ഫിസിക്കൽ എജുക്കേഷൻ കോളജ് വകുപ്പ് മേധാവി ഡോ. റോയ് ജോൺ, സംസ്ഥാന വൈസ് പ്രസിഡൻറ് സുജാത കൂടത്തിങ്കൽ എന്നിവർ സംസാരിച്ചു. ജില്ല സെക്രട്ടറി പി. സത്യൻ സ്വാഗതവും എൻ.ജി.ഒ ആർട്സ് കൺവീനർ പി.കെ. സുരേഷ്കുമാർ നന്ദിയും പറഞ്ഞു. സംസ്ഥാന സെക്രേട്ടറിയറ്റ് അംഗം കെ. രാജചന്ദ്രൻ, സംസ്ഥാന കമ്മിറ്റി അംഗം എം. മുരളീധരൻ എന്നിവർ നേതൃത്വം നൽകി. നാല് വിഭാഗങ്ങളിലായി 13 ഇനങ്ങളിൽ നടന്ന മത്സരങ്ങളിൽ സിവിൽ സ്റ്റേഷൻ ഒന്നാം സ്ഥാനവും സിറ്റി രണ്ടും മെഡിക്കൽ കോളജ് മൂന്നും സ്ഥാനങ്ങൾ നേടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.