അതിരപ്പിള്ളി പദ്ധതിക്ക് തുരങ്കംവെച്ചത് സി.പി.ഐ -ഇ.പി. ജയരാജൻ പഴയങ്ങാടി: അതിരപ്പിള്ളി പദ്ധതിക്ക് തുരങ്കംവെച്ചത് സി.പി.ഐ ആണെന്നും അകത്തുനിന്നുകൊണ്ട് അവർ മുന്നണിക്ക് പേരുദോഷമുണ്ടാക്കുകയാണെന്നും സി.പി.എം കേന്ദ്രകമ്മിറ്റി അംഗം ഇ.പി. ജയരാജൻ. ഏഴോം പഞ്ചായത്തിലെ നെരുവമ്പ്രത്ത് സി.പി.എം മാടായി ഏരിയ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. തോമസ് ചാണ്ടിയുമായി ബന്ധപ്പെട്ട പ്രശ്നം ചർച്ച ചെയ്ത് തീരുമാനത്തിലെത്തുന്നതിനിടയിൽ മന്ത്രിസഭ യോഗം ബഹിഷ്കരിച്ച സി.പി.ഐ മുന്നണി മര്യാദകൾ ലംഘിക്കുകയാണ് ചെയ്തത്. കെ. പത്മനാഭൻ പ്രവർത്തന റിപ്പോർട്ട് അവതരിപ്പിച്ചു. ജില്ല സെക്രട്ടറി പി.ജയരാജൻ, പി.കെ. ശ്രീമതി എം.പി, എം.വി. ജയരാജൻ, കെ.പി. സഹദേവൻ, ടി.വി. രാജേഷ് എം.എൽ.എ, സി. കൃഷ്ണൻ എം.എൽ.എ, ഒ.വി. നാരായണൻ, പി.പി. ദാമോദരൻ, പി. വാസുദേവൻ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.