വെള്ളിമാടുകുന്ന്: അപകടം വരുത്തുംവിധം റോഡരികിൽ വാഹനങ്ങൾ പാർക്ക് ചെയ്താൽ പിഴയീടാക്കുന്ന പൊലീസ് തന്നെ അപകടം വിളിച്ചുവരുത്തുന്നു. ചേവായൂർ പൊലീസ് സ്റ്റേഷന് മുന്നിലാണിത്. പിടികൂടിയതും അപകടം സംഭവിച്ചതുമായ വാഹനങ്ങളാണ് ട്രാഫിക് പൊലീസ് അപകടകരമായി കൊണ്ടിട്ടത്. എ.ആർ ക്യാമ്പിലേക്ക് ഉൾപ്പെടെയുള്ള നൂറുകണക്കിന് ചെറുതും വലുതുമായ വാഹനങ്ങൾ കടന്നുപോകുന്ന റോഡിലെ വളവിലാണ് ജീപ്പ് ഉൾപ്പെടെ പത്തോളം വാഹനങ്ങൾ നിർത്തിയത്. അടുത്തിടെ കൊണ്ടുവന്നിട്ട ജീപ്പ് റോഡിലേക്ക് കയറ്റിയാണിട്ടിരിക്കുന്നത്. വളവായതിനാൽ വാഹനത്തിെൻറ മറവിലൂടെ എതിർദിശയിൽനിന്ന് വരുന്ന വാഹനങ്ങൾ കാണാൻ കഴിയില്ല. വാഹനയാത്രക്കാരും കാൽനടക്കാരും അപകടങ്ങളിൽനിന്ന് രക്ഷപ്പെടുന്നത് ഭാഗ്യം കൊണ്ടാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.