നിയന്ത്രണംവിട്ട ചരക്കുലോറി കട ഇടിച്ചുതകർത്തു

ഫറോക്ക്: ദേശീയപാതയിൽ ചെറുവണ്ണൂരിൽ നിയന്ത്രണംവിട്ട ചരക്കുലോറി കടയിലേക്ക് ഇടിച്ചുകയറി. ഇടിയുടെ ആഘാതത്തിൽ മിൽമകട പൂർണമായും തകർന്നു. ശനിയാഴ്ച പുലർച്ച 2.30 നാണ് അപകടം. മൂവാറ്റുപുഴയിൽ നിന്ന് പൈനാപ്പിളുമായി കോഴിക്കോേട്ടക്ക് പോവുകയായിരുന്ന കെ.എൽ 36 എ 23 ചരക്കുലോറിയാണ് നിയന്ത്രണം നഷ്ടമായതിനെതുടർന്ന് കടയിലേക്ക് ഇടിച്ചുകയറിയത്. കോഴിക്കോട്ട് നിന്ന് രാമനാട്ടുകര ഭാഗത്തേക്ക് സഞ്ചരിച്ച രണ്ട് കെ.എസ്.ആർ.ടി.സി ബസുകൾ നടത്തിയ മത്സരയോട്ടമാണ് അപകടത്തിന് വഴിവെച്ചത്. പുലർച്ച മിൽമ പാൽ വാഹനം വരുന്നതി​െൻറ മണിക്കൂറുകളുടെ വ്യത്യാസത്തിലാണ് കടയിലേക്ക് ലോറി പാഞ്ഞുകയറിയത്. അപകടത്തിൽ സമീപത്തെ ഇലക്ട്രിക് പോസ്റ്റുകൾ, വ്യാപാരസ്ഥാപനങ്ങളുടെ ബോർഡുകൾ, മിൽമ ബൂത്തിനുള്ളിൽ സൂക്ഷിച്ചിരുന്ന നിരവധി പാൽ ബോക്സുകൾ തുടങ്ങിയവ തകർന്നിട്ടുണ്ട്. അപകടം നടന്നയുടനെ വൈദ്യുതിബന്ധം വിച്ഛേദിച്ചതിനാൽ വൻദുരന്തം ഒഴിവായി. അപകടത്തെ തുടർന്ന് പ്രദേശത്ത് മണിക്കൂറുകളോളം വൈദ്യുതി മുടങ്ങി.