* കല്ലാച്ചി, ഉമ്മത്തൂര്, നാദാപുരം, തൂണേരി സ്കൂളുകള് ചാമ്പ്യന്മാരായി നാദാപുരം: അഞ്ചുദിവസങ്ങളിലായി ഉമ്മത്തൂര് എസ്.ഐ ഹയര്സെക്കൻഡറി സ്കൂളില് നടന്ന നാദാപുരം ഉപജില്ല സ്കൂള് കലോത്സവത്തിന് തിരശ്ശീല വീണു. സമാപന സമ്മേളനം പാറക്കല് അബ്ദുല്ല എം.എല്.എ ഉദ്ഘാടനം ചെയ്തു. ജനറല് വിഭാഗം കലോത്സവത്തില് ഹയര് െസക്കൻഡറി വിഭാഗത്തില് കല്ലാച്ചി ഗവ. ഹയര്സെക്കൻഡറിയും ഹൈസ്കൂള് വിഭാഗത്തില് ഉമ്മത്തൂര് എസ്.ഐ ഹയര്സെക്കൻഡറി സ്കൂളും യു.പി വിഭാഗത്തില് നാദാപുരം ഗവ. യു.പി സ്കൂളും എല്.പി വിഭാഗത്തില് തൂണേരി ഇ.വി.യു.പി സ്കൂളും ചാമ്പ്യന്മാരായി. ജനറല് വിഭാഗത്തില് ഹയര് സെക്കൻഡറി വിഭാഗം എം.ഐ.എം.എച്ച്.എസ് രണ്ടും ഇരിങ്ങണ്ണൂര് എച്ച്.എസ് മൂന്നാം സ്ഥാനവും നേടി. ഹൈസ്കൂള് വിഭാഗത്തില് വളയം ഗവ. ഹയര്സെക്കൻഡറി സ്കൂള് രണ്ടും എം.ഐ.എം ഹയര്സെക്കൻഡറി സ്കൂള് മൂന്നാം സ്ഥാനവും യു.പി വിഭാഗത്തില് സി.സി.യു.പി സ്കൂള് നാദാപുരം രണ്ടാം സ്ഥാനവും വാണിമേല് എം.യു.പി സ്കൂളും വളയം യു.പി സ്കൂളും മൂന്നാം സ്ഥാനം പങ്കിട്ടു. എല്.പി വിഭാഗത്തില് നാദാപുരം സി.സി.യു.പി സ്കൂളും നാദാപുരം നോര്ത്ത് എല്.പി സ്കൂളും രണ്ടാം സ്ഥാനം പങ്കിട്ടു. എളയടം ബി.വി.എല്.പി സ്കൂള് മൂന്നാം സ്ഥാനവും നേടി. അറബിക് സാഹിത്യോത്സവം ഹൈസ്കൂള് വിഭാഗത്തില് ക്രസൻറ് ഹയര്സെക്കൻഡറി ഒന്നാം സ്ഥാനവും പേരോട് എം.ഐ.എം ഹയര്സെക്കൻഡറി രണ്ടും ഉമ്മത്തൂര് എസ്.ഐ ഹയര്സെക്കൻഡറി മുന്നും സ്ഥാനങ്ങൾ കരസ്ഥമാക്കി. യു.പി വിഭാഗത്തില് അല്ഹുദ യു.പി സ്കൂളും നാദാപുരം ഗവ.യു.പി സ്കൂളും ഒന്നാംസ്ഥാനം പങ്കിട്ടു. സി.സി.യു.പി സ്കൂള് നാദാപുരവും വാണിമേല് എം.യു.പി സ്കൂളും രണ്ടാംസ്ഥാനം പങ്കിട്ടു. തൂണേരി ഇ.വി.യു.പി സ്കൂള് മൂന്നാം സ്ഥാനവും നേടി. എല്.പി വിഭാഗത്തില് വാണിമേല് എം.യു.പി, സി.സി.യു.പി സ്കൂള് നാദാപുരം, ഭൂമിവാതുക്കല് എം.എല്.പി എന്നി സ്കൂളുകള് ഒന്നാം സ്ഥാനം പങ്കിട്ടു. എളയടം ബി.വി.എല്.പി സ്കൂളും ഭൂമിവാതുക്കല് എല്.പി സ്കൂളും രണ്ടാംസ്ഥാനം പങ്കിട്ടു. വളയം എം.എല്.പി സ്കൂള് മുന്നാംസ്ഥാനവും നേടി. വ്യാഴാഴ്ച വൈകിട്ട് നടന്ന സമാപന സമ്മേളനത്തില് ജില്ല പഞ്ചായത്ത് മെംബര് അഹമ്മദ് പുന്നക്കല് അധ്യക്ഷത വഹിച്ചു. തൂണേരി ബ്ലോക്ക് പഞ്ചായത്ത് പ്രസിഡൻറ് സി.എച്ച്. ബാലകൃഷ്ണന്, ചെക്യാട് ഗ്രാമപഞ്ചായത്ത് പ്രസിഡൻറ് തൊടുവയില് മഹ്മൂദ്, നാദാപുരം ഡിവൈ.എസ്.പി ഉദയഭാനു, വളയം എസ്.ഐ ബിനുലാല്, പ്രഫ. പി. മമ്മു, പി.കെ. ഖാലിദ്, യു.സി. വാഹിദ് എന്നിവര് സംസാരിച്ചു. വിജയികള്ക്ക് പാറക്കല് അബ്ദുല്ല എം.എല്.എ സമ്മാനവിതരണം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.