നന്തിബസാർ: പള്ളിക്കരയില് വീണ്ടും സാമൂഹികദ്രോഹികളുടെ അഴിഞ്ഞാട്ടം. രാഷ്ട്രീയ പാര്ട്ടികളുടെ കൊടിയും പോസ്റ്ററുകളും കഴിഞ്ഞ രാത്രിയിലും സാമൂഹികദ്രോഹികൾ തകര്ത്തു. സി.പി.എം പ്രവര്ത്തകര് സ്ഥാപിച്ച കൊടിയും പോസ്റ്ററുമാണ് നശിപ്പിച്ചത്. കഴിഞ്ഞദിവസങ്ങളിൽ മുസ്ലിംലീഗിെൻറയും കോണ്ഗ്രസിെൻറയും ബി.ജെ.പിയുടെയും കൊടിമരവും പോസ്റ്ററും തകര്ത്തിരുന്നു. പൊലീസ് അന്വേഷണം നടത്തുന്നതിനിടയിലാണ് വീണ്ടും അതിക്രമം. മുസ്ലിംലീഗ് ഒാഫിസ് കുറഞ്ഞ മാസങ്ങള്ക്കു മുമ്പാണ് വികൃതമാക്കിയത്. പ്രദേശത്ത് സൗഹാർദ അന്തരീക്ഷം തകര്ക്കാനുള്ള സാമൂഹിക ദ്രോഹികളുടെ ഇത്തരത്തിലുള്ള അഴിഞ്ഞാട്ടത്തിനെതിരെ പള്ളിക്കര ശാഖ മുസ്ലിംലീഗ് കമ്മിറ്റി പ്രതിഷേധിച്ചു. കുറ്റവാളികളെ എത്രയുംവേഗം നിയമത്തിെൻറ മുന്നില് കൊണ്ടുവരണമെന്നും യോഗം ആവശ്യപ്പെട്ടു. ഒ.കെ. ഫൈസല് അധ്യക്ഷത വഹിച്ചു. ടി.പി. കുഞ്ഞിമൊയ്തീൻ, പി.കെ. മുനീർ, ജാസിദ് മിസ്ക്, പി. നര്സിദ് എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.