കോഴിക്കോട്: ബുധനാഴ്ച സമാപിച്ച ജില്ല ശാസ്ത്രോത്സവത്തിലെ ശാസ്ത്രമേളയിൽ 169 പോയേൻറാടെ പേരാമ്പ്ര ഉപജില്ല കിരീടം നേടി. 168 പോയൻറുമായി ബാലുശ്ശേരി ഉപജില്ല തൊട്ടുപിന്നിലെത്തിയപ്പോൾ 162 പോയൻറുമായി ചോമ്പാല മൂന്നാംസ്ഥാനം നേടി. എൽ.പി വിഭാഗത്തിൽ 34, യു.പി വിഭാഗത്തിൽ 57, ഹൈസ്കൂൾ വിഭാഗത്തിൽ 43, എച്ച്.എസ്.എസ് വിഭാഗത്തിൽ 35 എന്നിങ്ങനെയാണ് പേരാമ്പ്രയുടെ പോയൻറ് നില. 1226 പോയൻറ് നേടിയ ചോമ്പാല ഉപജില്ലയാണ് ഗണിതശാസ്ത്രമേളയിലെ ജേതാക്കൾ. 1125 പോയൻറുമായി കോഴിക്കോട് സിറ്റി ഉപജില്ല തൊട്ടുപിന്നിലെത്തി. 927 പോയൻറുമായി കൊയിലാണ്ടിയാണ് മൂന്നാമത്. എൽ.പി വിഭാഗം 11ഉം യു.പി വിഭാഗം 40ഉം എച്ച്.എസ് വിഭാഗം 83ഉം എച്ച്.എസ്.എസ് വിഭാഗം 1092ഉം പോയൻറുമായാണ് ചോമ്പാല ഒന്നാമതെത്തിയത്. സാമൂഹികശാസ്ത്രമേളയിൽ 166 പോയൻറുമായി ബാലുശ്ശേരിയാണ് ഒന്നാമത്. സിറ്റി ഉപജില്ല 162 പോയേൻറാടെ രണ്ടും കൊടുവള്ളി 160 പോയൻറുമായി മൂന്നും സ്ഥാനം നേടി. എൽ.പി വിഭാഗത്തിൽ 43, യു.പിയിൽ 31, എച്ച്.എസിൽ 48, എച്ച്.എസ്.എസിൽ 44 എന്നിങ്ങനെയാണ് ബാലുശ്ശേരിയുടെ പോയൻറ് നില. പ്രവൃത്തി പരിചയമേളയിൽ 45,749 പോയൻറും ഐ.ടി മേളയിൽ 81 പോയൻറുമായി രണ്ടിനങ്ങളിൽ മുക്കം ഉപജില്ല ചാമ്പ്യൻമാരായി. 45,008 പോയൻറുമായി സിറ്റിയും 44,287 പോയേൻറാടെ വടകരയും പ്രവൃത്തി പരിചയമേളയിൽ രണ്ടും മൂന്നും സ്ഥാനം നേടി. ഐ.ടി മേളയിൽ 72 പോയൻറോടെ വടകര രണ്ടാമതെത്തിയപ്പോൾ 69 പോയൻറുമായി കുന്നുമ്മൽ മൂന്നാംസ്ഥാനം നേടി. ഐ.ടി അറ്റ് സ്കൂളിെൻറ സെർവർ തകരാറിെനത്തുടർന്ന് സമാപന ദിവസം ജേതാക്കളെ പ്രഖ്യാപിക്കാനായിരുന്നില്ല.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.