തണ്ണീര്പന്തല്: കല്ലേരി പാലത്തിെൻറ നിർമാണം 2018 മേയ് മാസത്തോടെ പൂര്ത്തീകരിക്കുമെന്ന് പാറക്കല് അബ്ദുല്ല എം.എൽ.എ. പാലം നിർമാണജോലി വിലയിരുത്തുകയായിരുന്നു അദ്ദേഹം. ഏഴര കോടി രൂപ ചെലവഴിച്ചാണ് കല്ലേരിയില് പാലം നിർമിക്കുന്നത്. ഇരുഭാഗത്തുമുള്ള പൈലിങ്ങ് പൂര്ത്തീകരിച്ചിട്ടുണ്ട്. എക്സി. എൻജിനീയര് കെ. നന്ദനൻ, അസി. എക്സി. എൻജിനീയര് കെ.പി. മോഹന്ദാസ്, അസി. എൻജിനീയര് സുഷീൽ, ക്വാളിറ്റി കണ്ട്രോള് അസി. എൻജിനീയര് ഡൊമിനിക് എന്നിവര് എം.എല്.എയോടൊപ്പമുണ്ടായിരുന്നു. മാഹി കനാല് പ്രോജക്ടിെൻറ ഭാഗമായി ആറോളം നടപ്പാലങ്ങള് നിർമിക്കാന് ടെൻഡര് നടപടികള് ആരംഭിച്ചതായും എം.എൽ.എ അറിയിച്ചു. ചത്യത്തുപൊയില് മസ്ജിദ്, ഒറ്റക്കണ്ടി താഴെ അംഗൻവാടിക്ക് സമീപം, കൂമുള്ളി, ചാത്തോത്ത് പൊയിൽ, തച്ചോളിതാഴെ, നരിക്കോത്തുതാഴെ തുടങ്ങിയ സ്ഥലങ്ങളിലാണ് നടപ്പാലങ്ങള് നിർമിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.