നന്മണ്ട: പകർച്ചപ്പനിയും െഡങ്കിപ്പനിയും പടർന്നുപിടിക്കുന്ന നന്മണ്ട പഞ്ചായത്തിൽ കൊതുകുനശീകരണത്തിന് ആരോഗ്യപ്രവർത്തകർക്കൊപ്പം വിദ്യാർഥികളും പങ്കാളികളായി. കൊളത്തൂർ ഗവ. ഹൈസ്കൂൾ എൻ.എസ്.എസ്, നന്മണ്ട ഹയർ സെക്കൻഡറി സ്കൂൾ എസ്.പി.സി, എൻ.സി.സി, എൻ.എസ്.എസ് എന്നിവയുടെ സംയുക്താഭിമുഖ്യത്തിലാണ് വിദ്യാർഥികൾ സേവനരംഗത്തിറങ്ങിയത്. കൊതുകു നശീകരണം ഗ്രാമപഞ്ചായത്ത് പ്രസിഡൻറ് കുണ്ടൂർ ബിജു ഉദ്ഘാടനം ചെയ്തു. പനി ബാധിതപ്രദേശങ്ങളിലെ മുഴുവൻ വീടുകളിലും കൊതുകുകളെ നശിപ്പിക്കലും മറ്റു സുരക്ഷപ്രവർത്തനങ്ങളും നടത്തി. ഹെൽത്ത് ഇൻസ്പെക്ടർമാർ, ജെ.പി.എൻ, ആശാ വർക്കർമാർ എന്നിവരുടെ നേതൃത്വത്തിലായിരുന്നു കൊതുകുനശീകരണപ്രവർത്തനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.