മാവേലിക്ക് വീണ്ടും ഫറോക്കിൽ സ്റ്റോപ് റെയിൽവേ മന്ത്രാലയത്തെ എം.കെ. രാഘവൻ എം.പി അനുമോദിച്ചു ഫറോക്ക്: ഫറോക്ക് റെയിൽവേ സ്റ്റേഷനിൽ മാവേലി എക്സ്പ്രസിന് അനുവദിച്ച താൽക്കാലിക സ്റ്റോപ് തുടരാൻ അനുവാദംനൽകിയ റെയിൽവേ മന്ത്രാലയത്തെയും ദക്ഷിണ റെയിൽവേയെയും ഷൊർണൂർ ഡിവിഷൻ അധികൃതരെയും എം.കെ. രാഘവൻ എം.പി അഭിനന്ദിച്ചു. നേരത്തെയുണ്ടായിരുന്ന താൽക്കാലിക സ്റ്റോപ് തുടർന്നും അനുവദിക്കണമെന്നാവശ്യപ്പെട്ട് എം.കെ. രാഘവൻ, റെയിൽവേ മന്ത്രി സുരേഷ് പ്രഭുവുമായി ചർച്ച നടത്തിയിരുന്നു. നേരത്തെ, നിരന്തര സമ്മർദത്തെ തുടർന്നാണ് ഈ വർഷം ജനുവരി മുതൽ ജൂലൈ 17 വരെ താൽക്കാലിക സ്റ്റോപ് അനുവദിച്ചത്. കാലാവധി അവസാനിച്ചതിനാലാണ് തുടർന്നും സ്റ്റോപ് അനുവദിക്കണമെന്ന ആവശ്യവുമായി റെയിൽവേ മന്ത്രിയെ കണ്ടത്. വിഷയവുമായി ബന്ധപ്പെട്ട് പാലക്കാട് ഡിവിഷനൽ ഹെഡ് ക്വാർട്ടേഴ്സിലും ചെന്നൈ സോണൽ ഹെഡ്ക്വാർട്ടേഴ്സിലും നേരത്തെതന്നെ ബന്ധപ്പെട്ടതിെൻറ അടിസ്ഥാനത്തിൽ അനുകൂല ശിപാർശ റെയിൽവേ നൽകുകയായിരുന്നുവെന്ന് എം.കെ. രാഘവൻ എം.പി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.