കോഴിക്കോട്: 2016 മുതൽ നിയമിക്കപ്പെട്ട അധ്യാപകർക്ക് നിയമനാംഗീകാരത്തിനും ശമ്പളത്തിനും 2011 മുതൽ സർവിസിലുള്ള അധ്യാപകർക്ക് ജോലി സംരക്ഷണത്തിനും വേണ്ടി പ്രക്ഷോഭത്തിനിറങ്ങാൻ കെ.എസ്.ടി.യു സംസ്ഥാന കമ്മിറ്റി തിരുമാനിച്ചു. കഴിഞ്ഞ ഒരു വർഷമായി നിയമിക്കപ്പെട്ട അധ്യാപകർക്ക് ശമ്പളം നൽകാൻ സംസ്ഥാന സർക്കാർ ഒരു നടപടിയും സ്വീകരിച്ചില്ല. 2017 ജൂൺ 20ന് പൊതുവിദ്യാഭ്യാസ ഡയറക്ടർ ഇറക്കിയ സർക്കുലറിൽ തസ്തിക നഷ്ടപ്പെടുന്ന അധ്യാപകരെ ജോലിയിൽനിന്നു പിരിച്ചുവിടാൻ നിർദേശം നൽകിയിരിക്കുകയാണ്. ഇത് തികച്ചും അധ്യാപക േദ്രാഹ നടപടിയാണെന്ന് യോഗം ചൂണ്ടിക്കാട്ടി. സംസ്ഥാനത്തെ എല്ലാ എ.ഇ.ഒ ഓഫിസുകളിലേക്കും ജൂലൈ 29ന് കെ.എസ്.ടി.യു മാർച്ച് നടത്തും. തുടർന്ന്, അധ്യാപകർ എ.ഇ.ഒ ഓഫിസുകളുടെ മുന്നിൽ ധർണയിരിക്കും. പ്രസിഡൻറ് സി.പി. ചെറിയ മുഹമ്മദ് അധ്യക്ഷത വഹിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.